Stærðfræðibrandari

Var einhver annars búinn að fatta stærðfræðibrandarann hér á síðunni. Ég veit að Stebbi sá hann strax en hefur einhver annar fattað hann? Kannski ekki líklegt -hmmmmmm

Nýtt netfang

Jæja, ég vil byrja á að þakka öllum sem mættu fyrir komuna í partýið á laugardaginn. Ég skemmti mér alveg rosalega vel :)

Annars fékk ég bréf frá Columbia í dag með leiðbeiningum um hvernig ég ætti að virkja netfangið mitt. Ég er því komin með netfang hjá Columbia sem ég ætla að setja hér á síðuna. Eftir að ég virkjaði netfangið fór ég og skoðaði vefpóstinn hjá þeim. Það kom mér alveg allsvakalega á óvart að eitt tungumálanna sem hægt var að velja var íslenska. Síðan var vefpósturinn svo íslenskaður að ég held að hann sé íslenskari heldur en vefpóstur Háskóla Íslands. Meira að segja stillingarvalmyndin var íslenskuð en þannig er það ekki hjá Háskólanum. Ég verð að segja að þetta er nú hálfskammarlegt fyrir HÍ. Annars er nú bara gaman að þessu ;)

Það nýjasta í fréttum er annars að vinstri ökklinn minn er stokkbólginn. Mér tókst að misstíga mig allharkalega um hádegisbilið í gær. Kældi hann nú aðeins og fór síðan af stað upp í bíl og allt. Eftir að ég var komin heim og kl. var að verða fimm þá tók ég eftir að ökklinn var orðinn rosalega bólginn. Mér stóð sko ekki á sama og fór því upp á slysó. Eftir mikla bið og röntgenmyndatöku þá var úrskurðað að ég hefði tognað og myndi vera orðin fín eftir viku - þangað til er ég svo hölt að það er nánast bara fyndið.
Það eina sem ég get hugsað núna er að ég er svo fegin að þetta gerðist ekki fyrir laugardaginn - hugsa sér hvernig það hefði verið að haltra upp á svið og ná í prófskírteinið sitt. Úff!

Útskrift á morgun

Á morgun mun ég loksins útskrifast úr stærðfræðinni.
Hugsa sér að ég skuli vera búin að læra stærðfræði í þrjú ár.
Vegabréfið mitt er komið aftur í hús með áheftað umslag sem á að afhendast útlendingaeftirlitinu við komuna til Bandaríkjanna. Þetta er sem sagt allt að þokast í rétta átt.

Núna áðan var ég að pakka mína fyrstu tösku sem fer út. Ég hafði ekki áttað mig á hversu mikið af bókum ég á og langar að taka með (og þá er ég bara að tala um námsbækur). Þetta eru mest svona bækur sem ég held að ég gæti þurft að fletta upp í. En það á bara eftir að koma í ljós.

Annars gerðist það í gær sem ég vissi að myndi gerast fyrr en seinna. Ég var skömmuð fyrir að uppfæra síðuna allt of lítið. Þegar ég stofnaði þessa síðu þá gerði ég ráð fyrir þeim möguleika og bjó til fullt af afsökunum sem eru hérna efst á síðunni. Ég fattaði hins vegar ekki að þær eiga bara við þegar ég er komin út. Því vil ég bæta við einni afsökun í viðbót sem er bara í gildi hérna heima.

Afsökun: Það bara gerist svo lítið merkilegt hérna hjá mér á Íslandinu.

Viðtal

Jæja nýjustu fréttir.
Ég fór í viðtal í bandaríska sendiráðið í dag til þess að fá vegabréfsáritun sem stúdent. Það gekk bara eins og í sögu og vonandi fæ ég vegabréfið mitt sent í pósti fljótlega.
Þessa vikuna bíð ég bara eftir að fá bréf í pósti frá nemendaskrá um að ég muni útskrifast - vona að það komi fyrir helgina ;)

Fljótlega ætti ég líka að fá meiri fréttir um húsnæðið sem mér verður úthlutað. Maður þarf að fara að gera ráðstafanir og svona.

Systir mín er á landinu núna - fer aftur til baka á laugardaginn. Þar sem þau eru þrjú að ferðast og bara með u.þ.b. 3 töskur í farteskinu þá bauðst hún til þess að taka auka tösku með fyrir mig. Nú er ég að pæla hvort ég eigi að þiggja boðið - væri kannski sniðugt að koma nokkrum bókum og vetrarfatnaði út. Ég held samt að maður hafi nú ekki gott að því að taka fleiri töskur en þessar tvær sem má taka með sér í flugi til Bandaríkjanna - efast um að ég muni hafa pláss fyrir allt dótið sem ég myndi koma fyrir í þremur töskum.

Eins og þið hafið eflaust tekið eftir þá er kominn niðurteljari (ásamt teljara) á síðuna. Við getum sagt að niðurteljarinn sé í boði Ragnhildar. Vonandi mun ég síðan laga tenglasafnið síðar í sumar.

Bless í bili

Metrar eða fet - Celsius eða Fahrenheit

Ég uppgötvaði í dag alveg skelfilegan hlut. Flestallar einingar úti í Bandaríkjunum eru öðruvísi.

Þetta byrjaði með því að ég fór í hádegismat með Ragnhildi og hún byrjaði að tala um að ég yrði bara komin í fetin og Fahrenheitin á notime. Ég er nú ekki alveg að kaupa það því t.d. tekur það mig ennþá alveg hálfa mínútu að breyta á milli hitakvarðanna. Fyrst þarf nefnilega að muna formúluna og þegar það er komið þarf að setja tölur inn í formúluna.

Næsta sjokk kom svo núna áðan. Um daginn hafði ég keypt mér þessa forláta plastvasamöppu (svokallaða kórbók). Ég hafði hugsað mér að setja í hana öll bréfin og eyðublöðin sem ég hef fengið frá Columbia ásamt þeim sem ég á eftir að fá. Bunkinn er nefnilega orðinn frekar stór og ég er búin að fá e-mail um að ég megi eiga von á fleiri bréfum. Nú, loksins þegar ég reyni að setja bréfin mín í möppuna þá komast þau ekki fyrir. Bréf frá Bandaríkjunum eru nefnilega ekki A4 heldur svona u.þ.b 0,8 mm breiðari. Ergo þau komast ekki fyrir í fínu möppunni minni.

Ekki láta mig svo byrja á DVD svæðisnúmerunum.

Jahá

Er þetta ekki að verða flott hjá mér? Mér tókst að láta kommentin vera soldið sniðug :) Prófið endilega að tjá ykkur ;)

Út ég skal

Veturinn 2004-2005 tók ég stóra ákvörðun. Til Bandaríkjanna skyldi haldið í doktorsnám í tölfræði. Við tóku margir mánuðir af undirbúningi því að mörgu þurfti að hyggja til þess að draumurinn yrði að veruleika. Loksins í apríl 2005 ákvað ég að næstu árunum skyldu varið í New York borg þar sem planið er að nema við Columbia háskóla. Ég ætla mér að vera dugleg að skrifa fréttir á þessa síðu varðandi dvöl mína í New York. Áður en að því kemur mun ég af og til koma með fréttir af undirbúningi fararinnar.

Ný síða

Ég ákvað að búa til nýja bloggsíðu í tilefni af sumrinu.