Florida

Er komin til Florida. Fekk gestapassa i tolvurnar her thannig ad eg kemst a netid en thid verdid ad afsaka islenskuleysid.
Kom rett fyrir midnaetti a manudagskvold og sottu gestgjafar minir mig ut a flugvoll. Strax daginn eftir kiktum vid i Busch Gardens thar sem vid notfaerdum okkur stuttar radir og forum margoft i russibana. Sa besti var med 90 gradu falli thar sem i byrjun var madur alveg stopp og horfdi bara nidur thar sem vid satum ad sjalfsogdu i fremstu rod.
Annars er eg buin ad sja fullt af "nyjum" dyrum, frosk syndandi i sundlauginni og fullt af litlum saetum edlum. Edlurnar eru miklu saetari en eg hefdi getad imyndad mer.
I dag for Gudbjort i skolann og eg kom seinna a kampus med Arna og kiktum a bokasafnid og fengum okkur svo hadegismat sem er okeypis tho vid borgudum ad sjalfsogdu $3 i "suggested donations". Thetta er e-r samtok sem hafa komid a kampus a hverjum virkum degi i um halfa old. Mjog skemmtileg hefd.
Aetladi annars bara ad lata vita af mer svo folk viti ad eg se med lifsmarki. Kem til baka a sunnudagskvold.

Planið breyttist aðeins

Ég kom ekki til NYC fyrr en á laugardaginn. Sigga systir tók nefnilega vélina, sem Rósa og Tinna komu í, heim til Íslands. Við keyrðum því uppeftir á laugardagsmorgun og svo ætla ég að keyra tilbaka til Delaware á fimmtudaginn og hjálpa til við að passa óþekktarangana mína á fimmtudags og föstudagskvöld. Ég varð einmitt vitni að því þegar flugfreyjurnar og flugmennirnir hjá flugleiðum tóku upp hversdagsfötin á miðju gólfinu í komusalnum og skruppu inn á klósett til að skipta. Aldrei séð það áður. Unga flugmannskonan átti dáldið flott svört leðurstígvél sem hún notar greinilega bara í vinnunni. Held nefnilega að eftir að flugleiðir byrjuðu með dagsflugin þá er skipst á að fljúga dagsflug til Boston og NYC. Áhafnir sem koma einn dag á NYC eru ferjaðar til Boston til að fljúga dagsflugið til baka þaðan daginn eftir og öfugt.

Annars kem svo til baka frá Delaware á laugardag og ætla þá að eyða helginni með Rósu og Tinnu. Síðan liggur leiðin til Flórída á mánudaginn eftir viku og verð ég þar í 6 daga eða þangað til skólinn byrjar.

Á döfinni

Jæja er búin að vera hérna í 6 daga. Fór til Siggu og fjölskyldu á laugardaginn. Búin að bralla margt. Náði e-n veginn að snú mig á ökkla þ.a. ég gat varla gengið í tvo daga. Samt svo skrítið að ég gat keyrt. Búin að fara í bíó á The Bourne Ultimatum og sýndi gífurlegan viljastyrk í einn dag þar til ég fór og keypti mér þennan. Er svo að fara aftur til New York líklegast á morgun. Á von á heimsókn á laugardaginn og eftir að henni lýkur þá ætla ég að skella mér til Flórída í sex daga að heimsækja Guðbjörtu og Árna. Fer 27. ágúst og kem aftur 2. september. Annars þarf ég að fara og finna út hvernig ég nota nýja tólið mitt í að blogga.

Í stórborginni á ný

Komin aftur til New York borgar. Hákon fór í sama flugi og ég út þ.a. ekki leiddist mér á leiðinni. Hann hélt svo áfram til Colorado þ.a. leiðir skildu þegar ég fór í leigubílaröðina. Ég náði að opna aftur símann minn þ.a. hann virkar. Eða sko það tókst eftir að þeir loksins gáfu mér samband við manneskju...

Síðasta vikan á Íslandi var mjög skemmtileg. Fyrst kom mynd af mér í Vikunni, fór í Bása og sló nokkrar golfkúlur (þ.e. þegar ég hitti), labbaði Úlfarsfellið og týndi fullt af krækiberjum og bláberjum, fór í crazy landsbankapartí ;) , fór á hestbak í Mosfellsdal, út á bát í Hvalfirðinum en ég lagði samt ekki í að prófa fjórhjólin sem ættingjar mínir voru að þeysast um á. Enda voru e-r hótanir um að myndavélin yrði á lofti... Annars eyddi ég Verslunarmannahelginni í faðmi fjölskyldunnar í Kjósinni og var það bara æðislega gaman. Á laugardeginum var meira að segja varðeldur í fjörunni eins og alltaf um verslunarmannahelgina. Helgin endaði svo á fertugsafmæli í einum bústaðnum með rosalegum veitingum.
Ef þið viljið sjá myndir úr Kjósinni þá er bara að kíkja á bloggið hans Sigga Smára.