Hreingerningar

Neibb ekki hjá mér.
Hins vegar í New York, amk á Manhattan, þá eru göturnar sópaðar mjög oft. Mín gata er t.d. sópuð tvisvar í viku hvor hlið. Í dag varð ég í fyrsta skipti vitni af götusópun á Amsterdam Avenue, sem er gatan sem skólinn minn stendur við og labba ég hana á hverjum degi. Þetta var hálffyndið, stór vatnssópari keyrði á eftir bíl, sem leit næstum út eins og löggubíll nema á honum stóð "Sanity". Sá bíll keyrði sem sagt á undan með gulum blikkandi ljósum og í hvert sinn sem hann kom nálægt bíl sem var lagt við götuna þá sá maður allt í einu lífsmark og bíllinn á burtu. Mér finnst þetta hálfótrúlegt hversu vel þetta gekk - sé ekki fyrir mér að allir Íslendingar biðu í bílunum eftir að götusóparinn kæmi, bara til þess að vera ekki fyrir.

Vikan liðin

Nú er brjáluð vika senn á enda. Hef ekki haft tíma í neitt frá því að ég kom til baka.

Það var frábært að stoppa aðeins á Íslandi í stuttum dráttum er ferðasagan svona:
Lagði af stað frá NYC föstudaginn 10.mars og fór í til systur minnar - hitastig í NYC yfir 20 gráður C
Kom til Íslands laugardagsmorgun - tók frændsystkin mín (Stefán Helga og Kristínu Eddu) í leikhús á Ronju ræningjadóttur um daginn
Laugardagskvöld fengum ég, Siggi og Helga dýrindismáltíð hjá Guðbjörtu og Árna - ég get ekki hætt að hugsa um súkkulaðikökuna - er hægt að fá uppskriftina? Eftir það fórum við Guðbjört og Helga niður í bæ í partí hjá Óperukórnum.
Sunnudag fór upp í Borgarnes og hitti ættingja mína í móðurætt - við vorum að hittast til að minnast ömmu minnar Ragnheiðar sem hefði orðið 100 ára mánudagiinn 13. mars 2006.
Mánudagur fór í að hjálpa til við að hafa allt tilbúið fyrir matarboð fyrir ættingjana á mánudagskvöldinu
Þriðjudag vaknaði ég mjög seint fór og kíkti á nýja hjólhýsið sem pabbi var að kaupa og fór svo út að borða á Tapas barnum með Ragnhildi, Rögnu, Emilíu og Katrínu. Frábær matur og takk fyrir kvöldið stelpur!
Miðvikudag vaknaði ég líka seint, kíkti aðeins niður í bæ og upp í VÍS og fór síðan út á flugvöll og beint til Baltimore.

Eftir það var ég hjá systur minni fram til laugardags, Margrét skrapp í heimsókn á föstudeginum og var okkur svo skutlað til New York á laugardeginum.

Á þriðjudag var svo miðannarpróf í líkindafræði/mál og teg og einnig þurfti ég að skila inn heimaverkefni þann dag. Á miðvikudag þurfti ég að skila inn tveimur heimaverkefnum, í gær yfirförnum heimadæmum fyrir bekkinn sem ég sé um og í dag öðru heimaverkefni. Þannig að skólinn er allur kominn á fullt aftur.

Ásamt þessu öllu saman skráði ég mig í Blockbuster online. Það er eins og Netflix ef fólk veit hvað það er, þú borgar ákv. upphæð á mánuði og færð að hafa 1,2 eða 3 DVD diska frá þeim til að horfa á (fjöldi fer eftir því hversu mikið þú borgar). Þú mátt svo hafa diskana eins lengi og þú vilt svo framarlega sem þú borgar alltaf mánaðarlega gjaldið. Þetta er voða einfalt og maður fær diskana senda í pósti og hendir þeim svo til baka í póstkassann þegar maður er búinn að horfa á þá. Mér brá svolítið því ég skráði mig á þriðjudag og fékk fyrstu diskana á miðvikudag - góð þjónusta þar á bæ. Svo er það ekki slæmt heldur að innifalin er ein ókeypis leiga á viku beint úr videoleigunum þeirra, þ.a. ef manni dettur allt í einu í hug að horfa á einhverja mynd strax um kvöldið þá getur maður farið á vidoleiguna og þarf ekkert að borga extra.

Er víst annars að fara í hádegismat á eftir með tilvonandi stúdentum í prógramminu mínu. Veit ekkert nánar, bara að það eru einhverjir, sem hafa fengið tilboð um að koma hingað, sem eru að skoða deildina. Maður segir ekki nei við ókeypis hádegismat ;)

Ísland

Legg af stað úr borginni eftir rúmar 2 klst.
Kem til landsins í fyrramálið.
Verð með gamla númerið mitt fyrir þá sem vilja ná í mig.
Sjáumst

Nærbuxur

Fór í Victoria's Secret í dag. Keypti mér m.a. 5 nærbuxur. 3 þeirra voru "made in Jordan", 1 var "made in Mexico" og sú fimmta var "made in Sri Lanka". Þær voru allar mismunandi á litinn svo ég fór að pæla hvort þeir séu búnir að kanna þetta og komast að því að Jordan séu bestir í skæru litunum, Mexico í dökku litunum og Sri Lanka í pastel litunum?

Annað próf...

Ætti maður að fara að taka mark á netprófum?

Your Scholastic Strength Is Evaluating

You are great at looking at many details and putting them all together. You are talented at detecting subtle trends, accuracy, and managing change. You should major in: Statistics Speech Conflict studies Communication Finance Medicine

What Should You Major In?

iTunes

Ég kaupi annað slagið sjónvarpsþætti hjá þeim.
Ágætt meðan maður var ekki með sjónvarp - ennþá ágætt eftir að maður er kominn með sjónvarp.( og kemst ekki til að horfa á uppáhaldsþáttinn sinn, lesist LOST)
Á núna alveg fullt af sjónvarpsþættum.
Tók eftir núna þegar ég er að hala niður Lost að það er hægt að kaupa stuttmyndir líka - núna er sérstaklega verið að auglýsa stuttmyndir sem eru tilnefndar til óskarsverðlaunanna. The Last Farm var á meðal þeirra - fannst ég kannast eitthvað við kallinn á myndinni svo ég skoðaði þetta nánar - var þetta ekki bara íslenska stuttmyndin síðasti bærinn.
Svona verður maður útúr þegar maður býr í einhverri borg, langt í burtu frá Íslandi - veit bara ekki neitt. Ég hafði planað að horfa á Óskarinn á sunnudaginn - nú verð ég að kanna hvenær stuttmyndaverðlaunin verða veitt - ekki vil ég missa af því ef Íslendingur fær verðlaun. Á hann einhverja möguleika? Ég bíð spennt.

Stalling time...

Það fer að líða að heimferð - bara 9 dagar.
Ég er farin að bíða spennt, enda orkan alveg að hverfa.
Vona að ég komi endurnærð tilbaka og klári önnina með stæl.
Við vorum að fá upplýsingar um sumarið sem er framundan. Deildin mun styrkja okkur ef við tökum sumarkúrsa og er ég að pæla í að gera það. Þetta eru þá tveir kúrsar um eitthvað takmarkað efni sem gestakennarar (frá Rutgers og Berkeley) munu kenna. Mér líst bara ágætlega á þetta. Ég get því lært á fullu fyrir prófin mín í lok ágúst - prófin sem munu veita manni mastersgráðuna. (Reyndar var ég að heyra að við fáum M.Phil sem er meira heldur en M.A.).

Að öllum líkindum mun ég fá nýjan meðleigjanda í sumar þar sem Meha mun líklegast ekki vera í borginni. Spurning hvernig það verður, vona að ég verði jafnheppin og ég hef verið hingað til.

Annars er ég að bíða eftir að hitta nemendur mína - er víst með viðtalstíma frá 8.30 - 9.30. Mishressandi að hitta þá - reyndar alltaf einn sem kemur mér í gott skap. ("Hello professor", "Goodbye professor", "How are you professor?", "Can you explain this to me professor?".)