Lífið - Life

Ég átti innihaldsríkt spjall við Meha núna í kvöld.
Eru ekki allir erfiðleikar í lífinu til þess að læra af þeim?
Allir þurfa að brenna sig einhvern tíma - held að þetta sumar hafi verið minn tími en ég hef lært margt af því og vonandi nógu mikið til þess að eitthvað svipað þessu eigi ekki eftir að henda mig aftur.
Svo til þess að allir geti verið glaðir og öll dýrin í skóginum vinir þá bendi ég ykkur á þessa síðu. Peace.

I had a great talk with Meha tonight.
Don't difficulties exist solely for us to learn from them?
Everyone needs to get burned sometime - I think this summer was my time and I've learned a lot, hopefully enough so that something like this will never happen to me again.
Now so that everyone can be happy and everyone in the jungle can be friends (is that an Icelandic saying??) - look at this site. Peace.

Barn

Ég er ennþá barn. Ekki spurning. Amk finnst nýja herbergisfélaganum mínum 21 árs vera barn. Ég er 23 ára. Barn +2 = Barn?
Það held ég sko.

Er ég geimvera?

Amk er nýi meðleigjandinn minn á því máli. Ástæða þagnarinnar hérna á síðunni er sú að síðustu tvær vikurnar hafa ekki verið dans á rósum hjá mér. Bý með stelpu/konu sem að ég held að eigi við mikil vandamál að stríða. Er búin að liggja undir feldi í tvær vikur og er eiginlega búin að ákveða að ég má ekkert vera að því að standa í einhverju veseni. Kemur í ljós síðar hvað ég ákveð að gera.

Var annars að koma af frábærri sýningu, Mamma Mia, sem ég fór á með Stebba. Hann er í stuttu stoppi í borginni og fer til Íþöku á morgun á meðan ég kem mér yfir til Siggu til að fara í grillveisluna hjá þeim á sautjánda júní og til að horfa á HM í high definition. Ég meira að segja tek lestina kl. 7 í fyrramálið til þess að ná leiknum sem byrjar kl. 9 á bandarískum tíma ;)

PS. Myndin er tekin í nýju Apple búðinni á 5th Av (rétt hjá Tiffany's). Ef þetta er ekki ástæða til að fá sér nýja fartölvu úr línunni þeirra þá veit ég ekki hvað. Innbyggð myndavél er í öllum vélum og svo þetta frábæra forrit sem leyfir manni ansi sniðuga fídusa.

Til hamingju Guðbjört!

Í þessum töluðum orðum er vinkona mín Guðbjört að giftast honum Árna sínum.
Mig langaði bara að óska þeim til hamingju með daginn - mig langar alveg óendanlega mikið að vera viðstödd.