Víííí

Ennþá bíður ferðasagan. Önnur kemur hér samt.
Er stödd í Delaware - skrapp örstutt í dag eftir hádegið þar sem ég heyrði að hægt væri að nota mig til að hjálpa nokkrum vel völdum einstaklingum að búa sig undir íslandsför...
minntist á þetta við Kobi vin minn sem sat við hliðina á mér í tíma. Eftir tímann hringir hann í mig og spyr hvort ég vildi vera samferða til Princeton (hann býr þar sko)og hann gæti svo skutlað mér restina af leiðinni. Ég þáði það með þökkum. Eftir ævintýralega ferð til New Jersey komum við að á lestarstöðina og þá sá ég fararskjótann. Æðislega krúttlegan tveggja sæta svartan blæjubíl og hann var beinskiptur (í USA eru nánast bara sjálfskiptir bílar sko). Þannig að skemmtilegt ferðalag í dag - held að Harold hafi heldur betur brugðið þegar við mættum honum á leiðinni heim að húsinu ;) Takk Kobi!!!

Annað að frétta: fór með Völlu í karnival um daginn (nánar um það síðar) en í gær fékk ég hringingu og var sagt að ég hefði verið dregin út í happadrætti. Hahahaha eftir að hafa fengið nánari útlistun á hvað ég þyrfti að gera afþakkaði ég pent. Fannst þetta samt fyndið því við Valla vorum einmitt búnar að ræða hvort við værum "löglegar" í happadrættinu.

Ólæti

Ég er byrjuð á drögum að næsta parti af frásögn síðasta mánuðar - kemur inn seinna.

Annars er ég að undra mig á þyrlunni sem er búin að vera á sveimi hérna yfir hverfinu mínu frá því kl 7 í kvöld (að verða tíu núna). Það er svo mikill hávaði í henni að þegar hún er í kyrrstöðu beint yfir götunni minni (eða næstu) þá heyri ég varla í sjónvarpinu (verð að vera með opna glugga til að fá aðeins kaldara loft inn). Spurning er bara hvað er í gangi? Það hlýtur að vera e-r frægur hérna í heimsókn. Ég kíkti á heimasíðu Columbia en sá ekki neitt þar í gangi. Ég hefði kannski átt að fara út í göngutúr og ath hvort það væri e-r heví öryggisgæsla e-s staðar á svæðinu. Hvað þarf maður annars að vera frægur til þess að fá þyrlu á eftir sér?