Svona er þetta stundum ósanngjarnt

Einn strákur hérna í deildinni, ári á eftir mér í náminu var að mæta í skólann núna á mánudaginn eftir jólafríið. Ástæðan fyrir því að hann var svona seinn er að hann var að bíða eftir vegabréfsáritun. Hann fær nefnilega bara áritun fyrir eitt skipti í einu (ekki óteljandi skipti eins og ég fæ til 5 ára) þ.a. í hvert sinn sem hann fer úr landinu þarf hann að sækja um nýtt visa. Í þetta skiptið tók það 2 mánuði að fá það. Ég læt ykkur svo um að geta frá hvaða landi hann er.