Ragna í New York

Jibbý

2010-10-13T14:47:00.003-04:00

Var að uppgötva að ég á bloggsíðu :) Það er svo lítið sem á daga manns drífur. Annars til að covera sumarið. Eftir að ég kom frá Indianapolis (flugið sem ég missti) fór ég heim til Íslands í 3 vikur. Kom til baka og fór þá til Vancouver í tæpa viku. Mæli eindregið með Vancouver - mjög svo hrein borg. Fékk nýjan meðleiganda í ágúst. Var með bíl á Manhattan í tvær vikur á meðan Sigga og fjölskylda voru á Íslandi... algjörlega crazy reyndar. Búin að fá nokkra gesti núna í sept og okt. Bíð svo bara spennti eftir að komast heim um jólin. Ætli þetta sé ekki nóg fyrir næsta árið :)

Alvöru fræðingur

2010-06-20T11:22:00.002-04:00

Einn kennarinn minn sagði einu sinn "You're not a real academian until you missed a flight at least once." Þetta útleggst nokkurn veginn sem að maður ekki alvöru fræðingur (eða vísindimaður eða eitthvað svoleiðis) fyrr en maður hefur misst af flugi amk einu sinni.

Mér líður sem sagt núna eins og alvöru háskólamanneskju, ég er á leiðinni á mína fyrstu ráðstefnu ein (áður hef ég alltaf verið með einhverjum öðrum) og ég missti af fluginu mínu (sem útaf fyrir sig var bara fáránlegt - en ég brosi bara - held brosið og það að ég hafi ekki verið brjáluð hafi reddað mér að ég þurfti ekki að borga $25 aukalega fyrir að þeir settu mig ekki á standby í næsta flug).

Bíóferð

2010-02-15T15:53:00.004-05:00

Nýr póstur jibbý...

Verð bara eiginlega að minnast á bíóferð sem mun seint gleymast. Við Ana fórum á nýjustu Almodóvar myndina Broken Embraces í Lincoln Plaza um daginn. Þetta byrjaði þegar Ana ætlaði að opna gula m&m pokann sinn og alveg sama hversu varlega hún gerði það þá leit konan fyrir framan strax mjög snöggt við og gaf henni illt augnaráð. Við ypptum bara öxlum því hvað á maður að gera? Bíóið selur þessa poka í kaffisölunni og það er nú varla til þess að taka með sér heim eftir bíóið og svo var hálfur salurinn líka að kjamsa og smjatta á poppkorni með tilheyrandi skrjáfri. En já hálfri mínútu seinna þá segir konan "viltu hætta þessu" og Ana getur lítið annað sagt en "hvað viltu að ég geri?" þá hálföskrar konan "hættu þessu" og snýr sér til baka og setur hattinn sinn á hausinn eins og hún vilji blokka það að við sæjum. Reyndar tók hún hann aftur niður eftir um tvær mínútur en þetta var ansi furðuleg hegðun.

En þetta var ekki nóg, ég sat við ganginn þarna í bíóinu og Ana næst við hliðina á mér. Um miðja mynd sé ég útundan mér einhverja hreyfingu og lít snöggt við og sé ég ekki þessa litlu mús. Mér brá alveg svakalega og kipptist alveg til enda verð ég mjög taugaveikluð yfir músum - byrja að ímynda mér að þær séu að fara að hlaupa upp um mig oþh. Eftir þetta er ég með vakandi augu yfir músinni og sé hana nokkrum sinnum hlaupa ganginn. Eftir einhvern tíma þá beygir stelpa, sem sat fyrir aftan Önu (ekki einu sinni fyrir aftan mig sem var við ganginn) , sig yfir mig og hvíslar "geturðu hætt að líta svona til hliðar, ég veit að það er mús þarna en komdu þér yfir það þetta er New York og þú verður bara að venjast músum". Ég hefði kannski skilið þetta að einhverju leyti ef hún hefði setið fyrir aftan mig eða ef ég hefði eitthvað blokkerað myndina fyrir henni en ég sat þannig að ég þurfti að sitja smá á skjá til að horfa á tjaldið og alls ekki fyrir henni.

En nóg með það við Ana drifum okkur út eftir myndina til að komast frá músum og taugaveikluðum konum. Það var frekar kalt og við ætluðum að reyna að finna leigubíl sem virtist ómögulegt. Við sjáum svo strætó koma sem fer beint heim þ.a. við hlaupum og náum í hann. Á meðan erum við að ræða þessar taugaveikluðu bíókonur og vorum ekkert að pæla í neinu. Allt í einu hallaði stelpan sem sat fyrir aftan okkur í strætónum og sagði "þið verðið að fyrirgefa hvernig ég lét í bíóinu, ég get verið dálítið viðkvæm fyrir allskonar hreyfingum og hljóðum þegar ég fer í bíó" var þá ekki mætt stúlkan sem hafði skammað mig fyrir höfuðhreyfingar mínar útaf músinni. Ohhh hvað ég vildi að ég hefði verið með einhverjum Íslendingi á þessum tímapunkti...

Annars margt búið að gera síðan ég skrifaði síðast. Afmæli og jól, heimsóknir og ferðalög, óperan og rockband. Ég er vel á minnst ekki búin að kjósa í þjóðaratkvæðagreiðslunni. Hef ekki hugmynd um hvað ég myndi kjósa þar sem mér finnst ég vita allt of lítið um málið til þess að geta gefið ábyrgt svar. Annars er þorrablót hérna næstu helgi þannig að framundan er ofskammtur af Íslendingum, íslensku og íslenskum mat.

Samtal sem ég átti við Meha á mið kvöld

2009-10-09T13:18:00.002-04:00

Meha var að taka munnlega prófið sitt í gær og hefur hún fengið að gista hjá mér síðustu vikuna. Kvöldið fyrir prófið var ég voða húsmóðurleg og eldaði fyrir hana kvöldmat svo hún væri vel uppilögð. Einhvern veginn barst talið að Nóbel verðlaununum.

Ragna:"Al Gore fékk nóbelinn sem hann hefði annars aldrei fengið ef hann hefði orðið forseti."

Ragna:"Hmmm héðan í frá ef maður verður forseti Bandaríkjanna er engin von að maður fá friðarnóbelinn - nema maður kannski hafi fengið hann áður en maður er kosinn."

Innskot Meha: "Já en afhverju myndi friðarnóbelverðlaunahafi vilja verða forseti Bandaríkjanna."

Ragna: "Já það er spurning, en eitt er alla vegana víst á meðan Bandaríkin eru svona mikil hernaðarþjóð þá er ekki séns að forseti þeirra fái friðarnóbelinn."

Til hamingju friðarnóbelsverðlaunanefnd: Ég held það sé langt síðan einhverjum tókst að afsanna eitthvað sem ég hélt að væri meitlað í stein... rosalega getur maður verið vitlaus stundum :)

Gáta - einhverjir klárir sem geta leyst þetta?

2009-10-07T13:28:00.000-04:00

Bókhaldið

2009-10-05T13:46:00.002-04:00

Tók mig loksins til um helgina eftir margra ára leti og fór í gegnum pappírana mína. Átti fullt af óopnuðum pósti með kreditkortatilboðum sem ég ákvað að tæta. Árangurinn var fullur poki af svona og þrjár möppur af skjölum.

Fyndið

2009-09-29T11:59:00.002-04:00

Var að lesa athugasemdir við frétt á Eyjunni. Var þess vegna búin að skrolla alla leið neðst á síðuna. Tók eftir að neðst eru linkar á nánast allar íslensku fréttasíðurnar þ.m.t. mbl, dv, visir, amx osfrv. Tók hinsvegar eftir að það vantaði Pressuna. Fannst þetta fyndið í ljósi þessarar fréttar. Er samkeppnin svona mikil? :)

Kvöldskemmtunin

2009-07-27T23:00:00.001-04:00

LA tennis open:
P. Sampras vs M. Safin

LA

2009-07-16T14:14:00.001-04:00

Smá update. Mætt til LA er að fara að ná í bílaleigubílinn.
Næsta stopp eftir það er svo Santa Barbara hjá Ásdísi. Mæli btw
eindregið með Virgin America töff flugfélag.

Hjálp

2009-06-30T17:04:00.001-04:00

Þessi ský eru að færast nær og nær

Spurning?

2009-06-25T13:29:00.004-04:00

Ég kvartaði á facebook fyrir tæpum tveimur vikum eftir að afgreiðslukona (eigandinn sko) á kaffihúsi hérna rétthjá dúndraði nánast í mig dollaraseðli fyrir að dirfast að segja henni að hún hefði rukkað mig of mikið. Tveim dögum seinna var búið að loka kaffihúsinu og nú er búið að rífa flest allt út úr því. Ég býst við að reksturinn hafi ekki gengið upp enda var eigandinn algjörlega vanhæfur. Las svo eitthvert slúður á einu Columbia blogginu að heilbrigðisteftirlitið hafi margoft gert athugasemdir þarna. Er ég slæm manneskja að vera glöð að búið sé að loka staðnum og að eigandinn hafi átt þetta fullkomlega skilið? Vel á minnst ég er víst ekki sú eina sem á svipaðar sögur í samskiptum við þessa konu.

Ekki dauð úr öllum æðum

2009-06-18T08:28:00.003-04:00

Ég hefði getað svarið það að ég uppfærði eitthvað í mars, en greinilega ekki. Áður en ég gleymi þá vil ég benda á síðuna hennar Bjarnheiðar en hún er búin að skrifa eitthvað um Bandaríkjaferð sína frá því í mars svo þar má sjá einhverjar myndir.

Allt of margt búið að gerast síðan síðast svo ég muni eftir því öllu. Í stórum dráttum þá var ég hjá Siggu Sóley um páskana, kláraði önnina um miðjan maí og fór svo heim í 10 daga. Fjölskyldan (lesist pabbi og Sigga) er að byggja sumarbústað uppi í sveit og gengur það bara vel. Smiðirnir voru á fullu á meðan ég var heima og skiluðu víst bústaðnum í síðustu viku. Samt nóg eftir. Á meðan ég var heima var ég voða dugleg og bar eina umferð af viðarvörn á allan bústaðinn.

Eftir að ég kom til baka hef ég verið í sumartímum og svo bara unnið á skrifstofunni. Hef fengið einhverja gesti þ.a. á meðal Tönju hans Kára Ragnhildarbróður og vinkonu hennar. Þær hleyptu ungdóminum í mér af stað aftur við að reyna að komast inn á staði hér í borg, án skilríkja. (Eða sko ég kemst inn á staði en var alltaf spurð um skilríki með þeim í för.)

Einn sunnudaginn kíkti ég til South Orange í New Jersey þar sem Jared, einn mastersneminn var með útskriftarveislu heima hjá ömmu sinni. Ótrúlega skemmtilegt hús innréttað með ótrúlega flottum asískum munum, kínverskum og japönskum aðallega. Þau eru gyðingar og afinn hékk víst mikið með the Rat pack á sínum tíma og átti víst alveg ótrúlegustu hluti.

Svo er ég búin að kíkja of oft út að borða, finna nokkra flotta og nýja bari (vantar ekki úrvalið af þeim hér í borg).

Fór einn daginn á mockumentary með Rachel en systir hennar lék í myndinni. Það var bara ein sýning og allir í salnum tengdust að ég held myndinni á einn eða annan hátt. Þessi mynd hefur ekki verið í mikilli dreifingu en hefur alveg verið að taka inn verðlaun í keppnum sem hún hefur verið í. Þ.a. ef ykkur býðst einhvern tíman að sjá mynd sem heitir The Beverages þá endilega að kíkja á hana - mjög fyndin.

Valla eyddi afmælinu sínu með mér hér í borg í lok maí. Við túristuðumst aðeins um borgina, tókum þátt í happadrætti á að fá miða á Wicked (þ.e. vinna rétt til að kaupa miða ódýrt). Löbbuðum um Times Square þar sem mér fannst nakti kúrekinn koma einum of nálægt okkur :) Það var frábært veður þennan dag svo við fórum í Top of the Rocks enda alltaf gaman að koma þangað. Af öllum þeim skiptum sem ég hef farið upp á útsýnispallinn þar þá var þetta langbesta skyggnið (vel á minnst mæli algjörlega með Top of the Rocks í staðinn fyrir Empire State - flottara útsýni, engar raðir og þú getur tekið mynd af Empire State.)

Á laugardaginn er planið að fara í sautjánda júní grillveislu hjá Íslendingafélaginu í Princeton (ég held að fjölda meðlima sé hægt að telja á fingrum einnar handar). Ætla rétt að vona að það verði ekki rigning eins og er búið að vera nánast síðustu 2-3 vikurnar með kannski eins dags hléum. Það hefur nefnilega verið dæmigert íslenskt sumarveður hérna hingað til. Rignir mikið og þótt hitinn fari stundum yfir 20 gráðurnar þá hefur hann verið að haldast í svona 16-17 gráðum. Væri reyndar alveg frábært ef að sólin fylgdi með líka. Góði kosturinn er að maður hefur ekkert þurft á loftkælingunni að halda hingað til.

Annars er ég svo á leiðinni til LA seinni partinn í júlí. Er að fara á tveggja vikna heilamyndanámskeið í UCLA. Var einmitt að fatta að UCLA er bara rétt við hliðina á Beverly Hills og svo Hollywood. Ég flýg nokkrum dögum áður og ætla að leigja bíl og kíkja í heimsókn til Ásdísar til Santa Barbara. Þar sem það eru bara 4 dagar sem ég heimsæki hana þá ákvað ég að splæsa á blæjubíl því hvar annars staðar á maður að gera það en í Kaliforníu? Spurningin hvort maður keyri ekki í gegnum Beverly Hills og Hollywood áður en ég skila bílnum :)

Blogg

2009-03-26T16:37:00.002-04:00

Prófessor í deildinni minni heldur úti öflugu bloggi (innan tölfræðinnar amk). Nýjasta færslan er um blogg almennt þar sem hann meðal annars vísar í leiðbeiningar frá bandaríska ríkinu um hvernig á að blogga. Leiðbeiningarnar eru reyndar dáldið langar en útdrátturinn hjá Andrew Gelman er betri ;)

Það hlaut að koma að því

2009-03-24T18:52:00.003-04:00

Á svipuðum tíma og ríkið tók yfir bankann minn þá stóð ég í búsáhaldabúð í SoHo hér í NYC. Í för með mér voru Peta frænka, Bjarnheiður og Valla. Þar voru margar gerðir af sleikjum þar á meðal svona hvítglær með grænum fjögurra laufa smárum. Mér varð á orði að þetta þyrfti SPRON að kaupa í jólagjafir. Ekki grunaði mig þá að svona stutt væri eftir... ;)

Annars er vorfríið búið, búin að fara út um allt meðal annars til Íþöku með Völlu og Bjarnheiði þar sem við hittum meiri hluta Íslendinganna þar í sannkölluðu Íslendingapartíi, og svo eftir það ferðaðist ég um stórborgina sem túrhestur ásamt henni Bjarnheiði. Nú er Bjarnheiður farin til heitari svæða en ef e-r vill sjá myndir þá bendi ég þeim á að fylgjast með blogginu hennar Bjarnheiðar því það á örugglega eitthvað eftir að skjótast upp þar eftir að hún kemur heim úr stórferðinni sinni (eftir páska hugsa ég).

Vel á minnst þá hef ég verið mjög þjóðrækin, fór á tónleika með Sprengjuhöllinni á St. Patrick's day og drógum við Bjarnheiður með okkur Ástrala og Íra (geri aðrir betur á St. Patrick's day). Núna á laugardaginn er svo förinni heitið á tónleika með Emilíönu Torrini. Hlakka mikið til.

Síðasti mánuðurinn

2009-03-10T16:37:00.004-04:00

Búin að gera svo mikið frá því síðast að ég er búin að gleyma því öllu. Aðalatriðin fyrir utan nátla vinnu og aftur vinnu eru (nám er sko vinna) : Valentínusarpartí hjá mér, afmælisveisla Braga (nammi nammi lambahryggur), þorrablót, mixer hjá Asíufélagi New York borgar (ekki spyrja hvað ég var að gera þar), kickboxing, kickboxing, yoga (downward facing dog einhver?), var ég svo búin að minnast á kickboxing?

Annars er Bjarnheiður mætt til Bandaríkjanna, ætla að kíkja með henni og Völlu upp til Íþöku um helgina og svo ætlum við Bjarnheiður að túrhestast aðeins um stórborgina í næstu viku.

Íslenska eðlið

2009-02-12T15:36:00.003-05:00

Ég gat ekki á mér setið. Íslendingar geta verið svo fyrirsjáanlegir stundum að það er ekki fyndið.

Time er búið að tilnefna Davíð Oddsson sem einn af 25 aðilum sem bera ábyrgð á heimsfjármálakreppunni. Þetta er náttúrulega strax komið í öll blöð á Íslandi.

Maður þarf að fletta í gegnum alla aðilana og getur svo gefið þeim einkunn frá 1-10, (saklaus-sekur). Davíð Oddsson trónir langefstur með næstum 6000 atkvæði (þegar þetta er skrifað) á meðan næsti maður er með ca 4500 atkvæði (og svo 4100, 4000, 3800 osfrv.) Íslendingar bregðast manni sjaldan í netkosningum ;)

Ég skil alveg að fólk kenni Davíð um ástandið á Íslandi þó mér finnist fólk stara einum of mikið á Davíð, það þarf að fara að hugsa um alla hina sem bera jafnmikla ef ekki meiri ábyrgð á ástandinu. En, að kenna Davíð um heimsskreppuna, æi ég veit það ekki. Kannski ætti maður að bara að vera stoltur að litla Ísland er ekki svo lítið þrátt fyrir allt, fyrst við getum haft svona mikil áhrif á alla heimsbyggðina.

Á laugardaginn

2009-02-09T11:45:00.003-05:00

Kíkti í heimsókn til Petu frænku um helgina. Labbaði frá skrifstofunni upp á 125. stræti til að taka lestina. Á leiðinni sá ég í fyrsta sinn klíku hér í borg. Þetta voru svona ca. 20 ungir piltar á mótorhjólum og fjórhjólum og keyrðu þeir bæði á götunni og svo upp á gangstéttina til að komast leiðar sinnar. Ætli þeir hafi ekki verið að notfæra sér góða veðrið á laugardaginn eins og við hin til að sýna sig og sjá aðra...

Svo þegar ég var komin niður í midtown, austanmeginn var það fyrsta sem ég sá gulur lamborghini, ótrúlega flottur, bílstjórinn var nýstoppaður þar sem löggan hafði eitthvað við hann að segja.

Svona geta hverfin verið mismunandi hér í borg.

Ætlar annars enginn að kommenta á hvað ég var dugleg að fara í kick boxing um helgina?

Ég lifði af...

2009-02-07T12:58:00.003-05:00

...fyrsta kick boxing tímann minn. Næsta verk á dagskrá er að lifa af næstu 9 eða svo. Reyndar var þetta mjög gaman :)

Það sniðuga við þetta er líka að ég er í tímum klukkan hálfellefu á laugardagsmorgnum, þarf því að takmarka skemmtanalífið á föstudagskvöldum. Svo er ég í tímum kl. 9 á föstudagsmorgnum þ.a. ég þarf að takmarka skemmtanalífið á fimmtudagskvöldum. Vonandi leiðir þetta til þess að ég kem meiru frá mér :) Ég má síðan sko skemmta mér á laugardögum í staðinn ;)

Colorado

2009-02-04T09:47:00.002-05:00

Jæja, ætli það sé ekki kominn tími á frásögn um skíðaferðina.

Dagur 1: Um kvöldið 14. janúar flaug ég til Denver. Átti flug frá LaGuardia, einkar gott útsýni sérstaklega yfir Hudson ána sem reyndar olli mér sjokki tæpum sólarhring síðar þegar ég heyrði af flugvélinn sem nauðlenti þar (degi eftir að ég flaug). Nú þegar ég pæli í því þá er skárra að sjá hluti minnka en stækka þegar maður er í flugtaki...

Flugið gekk vel, Hákon var svo vænn að taka á móti mér á flugvellinum og svo leigðum við bíl til að hafa fyrir dvölina. Keyrðum svo til Boulder (ca. 45 mín) þar sem við gistum fyrstu nóttina.

Dagur 2: Veðurspáin var alveg hreint frábær fyrir alla ferðina, niðri á sléttunni (Denver, Boulder) var um 15 stiga hiti og uppi í fjöllunum í kringum frostmarkið. Reyndar var veðrið mjög skrítið þennan fimmtudag þar sem það var svo mikil þoka að ég sá ekki neitt fyrr en við vorum komin upp í fjöllin og upp fyrir þokuna. Höfðum ákveðið að fyrsti dagurinn yrði notaður í skoðunarferðir svo ég hefði tíma til að jafna mig á hæðarmismuninum (gat farið upp í 8000 fet eða ca. 2500m bara við veginn). Þannig að fyrsta daginn eyddum við í Aspen, skíðabæ ríka fólksins. Mjög skemmtilegur lítill bær, gaman að rölta um og skoða allar dýru búðirnar. Skíðalyftan endaði í miðbænum og þeir gáfu gestum og gangandi heitan eplacider að drekka. Við sáum líka flugvöllinn þar sem var nú eitthvað af litlum sætum einkaþotum. Á leiðinni heim gerðist ekkert markvert nema að ég keyrði í sjokki allan tímann eftir að hafa farið að ráðum Hákons og keyrt út af veginum vegna umferðar til að fara aðra leið. Sú leið var aðeins fáfarnari og með brekkum upp og niður sem voru sumar hverjar ekki alveg lausar við hálku. 2-hjóladrifni bíllinn okkar var ekki alveg að meðtaka eina brekkuna en allt fór vel á endanum. Um kvöldið enduðum við svo í Silverthorne í skíðaíbúðinni sem Hákon leigir með vinum sínum. Mjög fín íbúð með tveimur svefnherbergjum, svefnlofti (fyrir svona 8) og tveimur baðherbergjum.

Dagur 3: Fyrsti skíðadagurinn. Áður en við gátum farið þurfti ég að leigja mér skíðaútbúnað. Það var ódýrara en ég hélt ($60-$70 fyrir 4 daga). Ég var búin að steingleyma hversu erfitt getur verið að troða sér í klossana en það hófst á endanum. Ég ákvað að fá hjálm líka enda eru víst um 70-80% fólks komið með hjálma í brekkurnar núna. Ótrúlegt hvað hlutirnir geta breyst á 10 árum. Ég var sem sagt að fara á skíði í fyrsta sinn í rúm 10 ár. Fyrsta daginn fórum við í Breckenridge, sem er skíðasvæði frekar nálægt íbúðinni. Vinir Hákonar höfðu ákveðið að fara þangað líka þ.a. við skelltum okkur með. Þetta var frábært val þar sem brekkurnar eru aðeins auðveldari þarna heldur en annars staðar. Við komumst fljótt að því að hlutir eins og að beygja og stoppa gleymast seint þ.a. ég gat bara nánast rennt mér strax af stað. Ég held reyndar að ég sé ekki eins kræf og ég var þegar ég var yngri. Alveg ótrúlegt hvað maður gat verið hugrakkur á sínum yngri árum. Dagurinn var alveg frábær, um hádegið borðuðum við hádegismat með félögum Hákonar uppi í fjallinu og vorum við alveg að steikjast úr hita.

Dagur 4: Laugardagurinn 17. janúar. Við Hákon ákváðum að fara til Beaver Creek þennan dag. Það sem ég sá af þorpinu sjálfu er það mjög sætt. Það er víst mikið af ríku fólki sem á skála þarna og þar sem það er aðeins dýrara en sum svæði þá er oft minna að gera og minni bið í lyfturnar. Það eftirminnilegasta svona um morguninn var þegar Hákon ætlaði að tryllast við að reyna að koma sér í skóna. Það tókst með herkjum eftir svona 15 mínútna áreynslu. Brekkurnar voru aðeins erfiðari en í Breckenridge en snilldin við þetta svæði var að maður gat tekið lyftu alla leið upp á topp og svo skíðað í byrjendabrekku niður (sum svæðin hafa bara byrjendabrekkur neðst). Þetta hentaði okkur vel þar sem Hákon gat skíðað niður erfiðari brekkur á meðan ég fór mína auðveldu leið. Um hádegisleitið hittum við íslenska vini Hákonar sem eru með skíðaskála þarna í brekkunum. Þau voru öll allt of góð fyrir mig þannig að ég rak lestina það sem eftir var dagsins. Þau buðu okkur svo í kvöldmat hjá sér sem við þáðum og enduðum við því daginn á að skíða niður að húsinu. Þetta var risastór þriggja hæða höll með öllum útbúnaði sem hægt er að nefna. Það endaði með því að við þáðum boð um að gista í gestasvítunni og skíða svo aftur í Beaver Creek næsta dag. Kvöldinu eyddum við svo m.a. í píanóleik, rommý, party&co.

Dagur 5: Var svipaður og laugardagurinn, nema þegar við löbbuðum út um morguninn þá byrjuðum við á því að smella á okkur skíðaskóna og svo renna okkur af stað niður að lyftunum. Reyndar ákvað Hákon að prófa nýja snjóbrettið sitt og ég komst að því að ég er betri á skíðum en hann á snjóbretti, amk get ég komið mér niður brekkuna að sjálfdáðum :) Hákon ákvað svo að skella sér til baka og ná í skíðin á meðan ég skíðaði aðeins. Þegar restin af hópnum var mætt komst ég að því að það var alveg passlegt að taka lyftuna upp með hópnum og svo renna mér á eiginspýtum niður, bíða svo í nokkrar mínútur eftir að þau voru komin niður aðra ferð og taka lyftuna upp með þeim. Ég held ég þurfi nokkura tuga ára æfingu í viðbót til að geta skíðað svona hratt niður. Í lok dags skíðuðum við aftur niður, þökkuðum Sóleyju, Huga og Mæju fyrir gestrisnina og keyrðum aftur til Silverthorne.

Dagur 6: Við ákváðum á sunnudeginum að fara ekki á skíði á mánudeginum heldur fara bara til Boulder og eyða deginum þar. Það var alveg frábær hugmynd þar sem það var um 16 stiga hiti. Við röltum um bæinn, fengum okkur voða gott hádegismatarhlaðborð á nepölskum stað og settumst loks niður á útiborði á kaffihúsi þar sem við sátum í nokkra tíma. Það sem ég sá var fólk á stuttbuxum, krakkar á litlu hjólunum sínum og flestir með sólgleraugu enda fáránlega heitt. (Mín sólgleraugu urðu eftir hér í NYC.) Um kvöldið borðuðum við svo á Walnut Brewery þar sem við deildum buffaló fahitas. Staðurinn minnti mig rosalega á stað sem ég fór á tvisvar í Denver síðasta sumar og nú þegar ég var að googla hann þá kemur í ljós að þetta er hluti af sömu keðju.

Dagur 7: Vaknaði rúmlega 7 þar sem ég þurfti að leggja í hann kl. 8 út á flugvöll. Fyrst skilaði ég bílaleigubílnum, checkaði mig inn og tók lestina í hliðið mitt. Ég kom að hliðinu ca. 9:55 á fjallatíma sem er 11:55 á austurstrandatíma. Þá voru hópar af fólki standandi fyrir framan hvern einasta sjónvarpsskjá. Ég flýtti mér að sjálfsögðu líka og varð vitni að því þegar fyrst Joe Biden og svo Barak Obama sóru embættiseiðinn. Mjög sérkennilegt að verða vitni af því á svona stað þar sem allir eru ókunnugir en samt tengjast á einhvern sérkennilegan hátt við að horfa á innsetninguna. Líka gaman að sjá fólk klappa og vera glatt, enda kom fólk hlaupandi þegar klappið stóð sem hæst. Vélin mín byrjaði svo að boarda um 15 mínútum seinna og horfði ég á ca 30 mínútur í viðbót þar til þeir vildu að ég byrjaði að borga fyrir sjónvarpið í vélinni. Tók eftir því að mikið fleira fólk las öryggisleiðbeiningarbæklinginn í vélinni og ég er ekki frá því að hann hafi verið endurbættur. Amk man ég ekki eftir að hafa séð mismunandi leiðbeiningar um lendingu á vatni og jörðu... Við flugum sunnan að yfir NYC og þar sem það var heiðskírt sá ég Manhattan og frelsisstyttuna og gat virt betur fyrir mér Hudson ána. Komst að því að það er nóg pláss á ánni til að lenda flugvél þar sem flestir bátanna virðast sigla meðfram bökkunum, það er nú gott að vita :)

Var svo komin heim um hálfsjöleytið.

Á skíðum í Beaver Creek, Colorado

2009-01-18T17:23:00.000-05:00

Komin til New York

2009-01-10T21:18:00.000-05:00

Jæja er loksins komin tilbaka. Ferðin gekk bara vel var komin heim
korter í átta (síðast var ég komin kl ellefu). Fékk upgrade í
vélinni þ.a. ég sat í economy comfort sætinum og var fimmta úr
vélinni. Engin bið í immigration enda enginn að ferðast þessa
dagana. Í Keflavík var einmitt nánast tómt hef aldrei lent í
öðru eins.

Nóg um það skrifa nánar seinna.

Maturinn

2008-12-05T23:55:00.002-05:00

Þar sem Kristín Ásta spurði þá ákvað ég að setja heila færslu í indverska matinn sem ég borðaði hjá foreldrum Meha. Nú er ég ekki góð að muna heiti á réttum en orðrétt frá Meha:

Let's see...you ate dal, rajma, chicken curry (two different types) palak paneer, bhindi (okra), kofta, chickpeas (chole) and gulab jamun. Man, I'm getting hungry writing this down. That's all I remember.

Og ég get sagt ykkur að þetta er allt mjöööög gott. Karríkjúklingurinn var sterkastur. Það er ekki víst að hægt sé að finna þetta á matseðli á veitingastað en þetta er víst mjög hefðbundinn indverskur matur sem maður fær í heimahúsi.

Suður-Karólína - ferðasaga

2008-12-03T15:42:00.002-05:00

Þar sem ég tók samtals 3 myndir í ferðinni þá verðið þið að láta ykkur nægja söguna, kannski get ég reddað myndum síðar meir.

Ég fór í heimsókn til foreldra Meha yfir þakkargjarðarhátíðina. Við vorum 5, Meha,Olga, Arunabh og Abhimanyu. Meha er upprunalega frá Indlandi og bjó með mér fyrstu tvö árin mín hér, Olga er frá Perú og er í doktorsnámi í spænsku hjá Columbia, Arunabh og Abhi eru báðir indverskir, Arunabh í kínversku hjá Columbia en Abhi vinnur hjá tryggingafyrirtæki í Stamford Connecticut. Við lögðum sem sagt af stað um 3 leytið á miðvikudaginn fyrir viku og tók það okkur tæpan klukkutíma að komast út af Manhattan. Ferðin suður litaðist aðeins af árásunum á Bombay þar sem það gerðist um það leyti sem við vorum að leggja af stað og ennþá lítið vitað hvað væri að gerast. Við vorum komin rétt um miðnætti til Williamsburgh í Virginíu þar sem Alap vinur Meha býr. Hann og meðleigjandi hans (báðir indverskir) tóku alveg höfðinglega á móti okkur. Þeir voru búnir að elda þríréttaða máltíð og eftir forréttinn þá voru við alveg furðulostin að heyra að aðalrétturinn væri eftir. Þeir voru mjög höfðinglegir og létu okkur eftir rúmin sín og allt. Við stóðum reyndar öll í þeirri meiningu að Alap myndi koma með okkur en um morguninn tilkynnti hann okkur að hann kæmist ekki frá vegna hópverkefnis.

Þannig að á fimmtudeginum héldum við áfram til Suður-Karólínu. Lítið um stopp fyrir utan öll þessi rest areas á leiðinni. Foreldrar Meha voru líka búin að banna okkur að borða mikið fyrir utan snakk þar sem við áttum að fá stóra máltíð þegar við kæmum. Enda stóðst það, við vorum komin á leiðarenda um klukkan hálfsex og okkur beið stórmáltíð að indverskum hætti. Mamma Meha var með miklar áhyggjur að ég myndi ekki höndla sterka matinn en það reddaðist með mikið af jógúrtsósu. Síðasta daginn var hún farin að láta mig fá sérskál af jógúrt með :)

Foreldrar Meha búa í Greenville í mjög sætu húsi. Það lítur út fyrir að vera miklu minna en það er þegar maður kemur inn. Þau eru nýbúin að láta gera upp háaloftið þannig að nú eru tvær hæðir. Við stelpurnar fengum að sofa uppi en þar er mikið og stórt rými með sjónvarpsholi og skrifstofu ásamt baðherbergi með bestu sturtu sem ég hef farið í hér í Bandaríkjunum. Niðri er skrifstofa, stofa, borðstofa, eldhús, sólstofa, tvö svefnherbergi og bað. Allt mjög opið og skemmtilegt. Til að toppa þetta allt saman er alveg risastór garður.

Annars liðu dagarnir með mat og aftur mat. Mjög góður indverskur matur en ég held ég hafi samt fengið of mikið af honum á of stuttu tímabili. Á föstudeginum fórum við í gönguferð í Ceasars Head þjóðgarðinum. Rosalega flott þarna og skemmtilegt svæði. Mæli með að fólk kíki ef það á e-n tíman leið um. Eftir það kíktum við niður í miðbæ Greenville (þar sem þau búa). Miðbærinn er mjög hreinn og skemmtilegur, hann hefur víst fengið fjölda verðlauna og einhver bær í Belgíu held ég kom til að skoða hvernig þeir gætu gert sinn miðbæ svipaðan. Í miðjum bænum eru manngerðir fossar (áin var fyrir) og alveg rosalega skemmtileg brú sem lýsist upp eftir myrkur. Þegar við mættum í miðbæinn þá var jólaskemmtun í gangi. Akkúrat þegar við komum út var verið að syngja jólalög og svo 10mín seinna var kveikt á jólatrénu. Það var inni í litlu jólaþorpi þar sem gervisnjó var blásið yfir. Að sjálfsögðu dró ég Olgu og Meha með mér að skoða það. Um kvöldið fórum við öll í bíó og svo enduðum við stelpurnar á að fara aðeins út niður í bæ. Strákarnir voru eitthvað þreyttir en það var ágætt fyrir okkur því þá gátu þeir sótt okkur, ekkert vesen. Við byrjuðum á e-m veitinga/bar stað þar sem Meha fannst of mikið af Indverjum inni á japanska barnum sem við ætluðum inn á. Eftir að hafa verið þarna í 2 mínútur byrjuðu slagsmál (mín fyrstu barslagsmál sem ég hef orðið vitni af hérna úti) og við ákváðum að láta okkur hverfa. Næst fórum við á lítinn sætan bar sem vinur bróður Meha hafði mælt með. Enduðum kvöldið (þegar okkur var hent út við lokun) þar enda ágætis stemmning. Stemmningin þarna í bænum minnti mig dáldið á Reykjavík fyrir 5 árum þ.e. áður en allt varð litað af slagsmálum niðri í bæ um helgar. Allir staðirnir eru einmitt við eina götu (Main Street) og skemmtileg stemmning utan sem innan dyra.

Á laugardeginum fórum við að versla þar sem það var hellidemba allan daginn, ég gerði ágætiskaup í TJMax en strákarnir slógu okkur stelpunum algjörlega við í innkaupum þar sem þeir fóru í mollið á meðan við sátum á kaffihúsi að vinna.

Við keyrðum svo til baka á sunnudeginum, lögðum af stað kl. átta um morguninn og vorum komin inn á Manhattan kl. 1 eftir miðnætti. Versti parturinn var Virginía þar sem var svakaleg umferð og á einum stað alveg rosaleg þoka þar sem maður sá ekkert til hliðar og rétt 3 bíla framfyrir sig.

Ég hafði verið svo séð að finna gjafir handa foreldrum Meha þegar ég flaug út í ágúst (gott að fá boð svona snemma). Ég hafði fundið Hávamál á ensku ásamt rosasætum víkingi úr steinum og ull með einakrónu sem hjálm og skjöld. Aðrir voru líka séðir, Olga mætti með Perúskan líkjör, Pisco, og bjó hún til Pisco Sour handa okkur öllum. Mjög góður drykkur og tekur eiginlega margarítu fram. Enda er hún búin að bjóða okkur Meha að kíkja í heimsókn og drekka Pisco Sour. Abhi bjó síðan til spænska ommilettu handa okkur þar sem hann gufusteikti hana í raun og veru. Hann var mikið búin að storta sig af ommilettunni þannig að hann neyddist til að búa hana til síðasta morguninn. Enda var hún mjög góð.

Ég skilaði bílaleigubílnum á mánudagsmorgun. Þurfti að vakna klukkan 7 (eftir 4 tíma svefn) þar sem ég fann bara bílastæði sem þurfti að rýma fyrir kl. hálfátta. Fór því á skrifstofuna beint eftir það og var þess vegna alveg dauð um hádegisbil vegna lítins svefns og mikils aksturs. En þetta var vel þess virði og mjög skemmtileg ferð.

Ferðalög

2008-11-25T19:16:00.003-05:00

Legg af stað til South Carolina á morgun (keyrandi). Ef ég verð dugleg þá reyni ég kannski að nota símann minn og pósta myndum á leiðinni. Ef allt gengur að óskum (hverjar eru líkurnar á því) þá ættum við að vera kominn til Williamsburgh í Virginiu rétt um miðnætti á morgun. Samtals eiga þetta að vera um 14 klst (alla leið - Virginia er hálf leiðin) sem gerir líklega 20klst allt í allt - vona að ég sé ekki bjartsýn núna.

Festi annars nýlega kaup á svona hlut. Nema ekki í þessum lit. Einhverjar ágiskanir á lit?

Nei eða já

2008-11-17T15:02:00.003-05:00

Þetta er kannski ekki nýtt fyrir suma en ég var að fatta dálítið sniðugt. Ég var að leita að nýja vefmiðlinum nei og sló í sakleysi mínu inn nei.is. Hvaða síða haldið þið að hafið komið upp? Já.is. Maður getur semsagt flett upp í símaskránni eftir skapi, ef maður er neiðkvæður þá bara nei.is og ef maður er jákvæður þá já.is .

Annað á meðan ég man. Ég er búin að vera að uppfæra aðeins myndasíðuna mína, þessa gömlu. Ég er nefnilega búin að vera svo löt að setja inn myndir að ég þurfti að setja inn frá því um jólin 2005. Ég var sem sagt aðeins dugleg fyrstu tvo mánuðina eftir að ég flutti inn. Eins og er, er ég aðeins komin að árslokum 2006 en þrátt fyrir það er ég búin að setja inn slatta af nýju dóti. Endilega kíkjið. Ég læt ykkur svo vita þegar ég set meira inn.

Ice-Save

2008-11-16T14:10:00.002-05:00

Var að lesa fréttir um að búið væri að leysa deiluna. Getur einhver útskýrt fyrir mér um hvað hún var? Ég stóð alltaf í þeirri meiningu og hef sagt (logið?) við fólk hérna úti að Íslendingar ætluðu alltaf að borga þessar 20þús evrur á reikning. Nú kemur fram í fréttum að Íslendingar hafi samið um að borga þessar 20þús evrur. Var það ekki alltaf vitað að við yrðum að borga þær? Ég hélt alltaf að Bretarnir vildu að við borguðum meira. Var þetta kannski hernaðartaktík hjá ríkisstjórninni að bjóða minna en við ætluðum að gera og semja svo upp í það sem við áttum alltaf að borga? Óska útskýringa.

Jólin ofl

2008-11-12T20:06:00.003-05:00

Afmælisdagurinn var mjög ánægjulegur. Fékk ístertu á miðnætti í partíinu mínu, mjög góða karamellutertu þegar Sigga og fjölskylda mættu og hefðbundna ameríska afmælistertu rétt fyrir miðnætti í öðru afmæli. Uppgötvaði svo þegar ég fór að sofa að ég hafði fengið óvænta afmælisgjöf: eina röð í lottóinu. Miðinn var skilinn eftir á náttborðinu mínu. Man e-r eftir spiladósinni. Já sami gefandi :)

Nokkrar tilkynningar. Það er ekki lengur á áætlun hjá mér að koma heim á Þorláksmessu. Mamma og pabbi ákváðu að skreppa út yfir jólin þannig að ég flýg heim með þeim 27. des til að vera heima yfir áramót (þ.a. þið fáið amk pakkana ykkar). Verð svo heima í 2 vikur fram til 10. janúar. Þá ætla ég að kíkja á skíði til Hákonar í Colorado áður en skólinn byrjar viku seinna.
En áður en það kemur að þessu öllu saman þá er ég nátla á leiðinni til Suður-Karólínu.

Eitt árið enn..

2008-11-08T11:12:00.002-05:00

Ég var að sjá fréttir að það sé mannfjöldi að fagna afmælinu mínu á Austurvelli við alþingishúsið. Eða sko hvað annað gæti fólkið verið að gera :)

Var með partí í gær, fjöldi manns mætti. Ég fékk afmælissöng á miðnætti og köku sem var voðagóð. Mintuísterta mmmm.

Á eftir á ég von á Wilmingtonliðinu. Ég er búin að bjóða Stefáni og Kristínu með mér að sjá Christmas Spectacular í Radio City Music Hall. Það á víst að vera alvöru jólasýning og svakaskemmtun. Veit ekki alveg hvað Sigga og Harold ætla að sér að gera á meðan en þau fá ekki að fara með okkur.

Takk fyrir allar afmæliskveðjurnar :)

Útskýrir margt

2008-11-05T10:36:00.003-05:00

Ég hef mikið pælt á undanförnum árum hvar allir Repúblikarnir eru. Hvar sem ég fer og sama við hvern ég tala þá hitti ég bara Demokrata en ekki Repúblikana. Núna eftir að helstu úrslit eru kunn í forsetakosningunum þá fór ég að kíkja á þessi týpísku kort af Bandaríkjunum sem sýna rauðu og bláu fylkin (D og R). Þá loksins fattaði ég það, ég hef bara aldrei komið til neinna af þessu rauðu fylkjum. Ég hef sem sagt bara alltaf haldið mig við bláu fylkin. Meira að segja Flórída og Colorado eru blá í ár. Ég mun samt mjög fljótlega kanna ókunnar slóðir þar sem ætlunin er að ferðast alla leið niður til Suður-Karólínu um Þakkargjarðarhátíðina (í bíl). Suður-Karólína er einmitt fyrsta rauða fylkið ef maður ferðast niður alla austurströndina. Annars er Hawaii blátt - það væri nú gaman að kíkja þangað :)

Obama forseti?

2008-11-04T23:01:00.002-05:00

Sjónvarpsstöðvarnar hérna úti eru búnar að lýsa yfir að Barack Obama vinni kosningarnar. Maður heyrir fagnaðarlætin úti á götu.

Maður bjóst nú svo sem alveg við einhverju

2008-10-30T17:00:00.004-04:00

Var að fá tilkynningu frá Icelandair um að þeir væru að byrja að rukka fyrir máltíðir. Hélt fyrst kannski að þeir væru búnir að aflýsa fluginu mínu þar sem fyrirsögnin var "Þjónustubreytingar er varða þitt flug". Í staðinn á maður víst að hafa betri matseðil og val um mat. Þar sem ég bókaði flugið mitt fyrir 1. október þá vildu þeir tilkynna mér að ég myndi fá samloku mér að kostnaðarlausu. Rosalega eru þeir góðir við mann...

Anastasia

2008-10-28T21:09:00.001-04:00

Rosalega erfitt ad ná mynd af henni.

Dægurflugan

2008-10-23T14:07:00.002-04:00

Fyrst ég byrjaði að blogga á annað borð þá langaði mig að spyrja einna spurningar. Hvernig stendur á því að ég hef ekki séð neitt minnst á "Singing Bee"? Þetta er alveg snilldarþáttur og "útlendingar" geta horft á hann á netinu hjá skjáeinum. Þetta er svona ekta þáttur fyrir Íslendinga með sönginn í fyrirrúmi. Ég amk loka mig inni í herbergi og syng hástöfum með, sérstaklega íslensku lögunum. Svo sakaði ekki að gamli vinnustaðurinn VÍS tók þátt í síðasta þætti. Algjör snilld þegar maður kannast við fólkið í sjónvarpinu.

Annars er nafnið annað mál - hvað er málið með Singing bee? Ég meina mér finnst dægurflugan miklu flottara nafn og ég kom upp með það á 10 sekúndum.

Í hnotskurn

2008-10-23T13:52:00.002-04:00

Frá því í síðustu viku hef ég:

komið upp um svindlara á prófum
farið yfir fyrrnefnt próf
spilað Rockband - ég er að verða algjör snillingur
horft á síðustu kappræðuna heima hjá vini mínum sem á heima niðri í Chelsea sem bæ thö vei er nágranni Brúsa Villis og Emmu undirfatakærustunnar hans (búa á sömu hæð og það eru bara tvær íbúðir á hæð - úff hugsa sér ef maður villtist og beygði til vinstri úr lyftunni en ekki hægri. Björn Bjarna myndi öfunda mig...)
farið á Woyzeck með Vesturporti í Brooklyn
farið í ferð með samnemendum til Delaware Water Gap þar sem við fórum í gönguferðir, villtumst, héldum varðeld, fórum í leiki, meiri gönguferðir, fórum á kanó (þar sem ónefndir aðilar duttu í vatnið), náði salamöndru og todpole (forfroskur).
fór í lambalæri til Völlu og Geirs í Princeton á þriðjudagskvöldið og var það bara mjög skemmtilegt. Ekkert svo slæmt að ferðast svona eina kvöldsstund til Princeton og fyrst Valla nennir að koma til NYC þá get ég alveg nennt að kíkja til Princeton. Græddi líka afmælisgjöf og alls konar krem í kaupbæti. (Það mættu aðrir alveg taka hana sér til fyrirmyndar.)

Hlutabréfamarkaðurinn

2008-10-09T13:38:00.004-04:00

Mladen sendi mér þennan brandara:

Once upon a time a man appeared in a village and announced to the villagers that he would buy monkeys for $10 each.

The villagers, seeing that there were many monkeys around, went out to the forest and started catching them.

The man bought thousands at $10 and, as supply started to diminish, the villagers stopped their effort. He next announced that he would now buy monkeys at $20 each. This renewed the efforts of the villagers and they started catching monkeys again.

Soon the supply diminished even further and people started going back to their farms. The offer increased to $25 each and the supply of monkeys became so scarce it was an effort to even find a monkey, let alone catch it!

The man now announced that he would buy monkeys at $50 each! However, since he had to go to the city on some business, his assistant would buy on his behalf.

In the absence of the man, the assistant told the villagers: 'Look at all these monkeys in the big cage that the man has already collected. I will sell them to you at $35 and when the man returns from the city, you can sell them to him for $50 each.'

The villagers rounded up all their savings and bought all the monkeys.

They never saw the man or his assistant again, only lots and lots of monkeys!

Now you have a better understanding of how the stock market works

Forsetakosningar

2008-10-07T20:04:00.001-04:00

Valla benti mér á þetta myndband. Ágætt til að gleyma öllu öðru sem er að gerast þessa dagana.

Woyzeck

2008-10-01T16:25:00.000-04:00

Ohh ég er svo dugleg að blogga þessa dagana. En já sem sagt keypti miða á Woyzeck með Vesturporti, fyrir okkur Völlu. Við ætlum að fara föstudaginn 17. október en það verða víst þrjár sýningar 15., 17. og 18. október. Sjá hér. Jane var svo elskuleg að láta mig vita af þessu.

Börn og býli

2008-09-30T00:01:00.000-04:00

Ég fór með Meha að kíkja á fossana á laugardaginn. Þeir eru miklu flottari í myrkri verð ég að segja. Yfir kvöldmat rifjaðist upp fyrir mér skemmtilegt atvik daginn eftir 6 ára afmælið sem ég var í um daginn.
Við höfðum farið í stóran og mikinn morgunmat (sunnudagsmorgunn) og ég að sjálfsögðu át yfir mig og þurfti að leggja mig aðeins. Ég lá sem sagt á rúminu og var eitthvað að hvíla mig þegar 6 ára dama kemur labbandi inn. Það fyrsta sem hún segir er eitthvað á þessa leið: "Hvenær ætlar þú að fá þér lítið barn í mallan?" (e. "When are you going to have a baby in your tummy?") Það fyrsta sem ég hugsa er "ég ætla rétt að vona að ég þurfi ekki að fara að útskýra fyrir henni hvernig það kemur til" en áður en ég get sagt eitthvað bætti hún við: "en ætli þú þurfir ekki að fá þér eiginmann fyrst" (e. "I guess you'd need a husband first though"). Hvað börnin læra nú til dags.

Annars fyrir þig Hákon. Það er að fara að opna nýr staður sem er á miðri leið á skrifstofuna mína. Eigandinn á víst að hafa e-a þekkingu á skandinavískri matargerð sem ég fagna svo sem alveg. (Af miðanum sem ég las kom held ég hvergi fram að hann væri skandinavískur sjálfur). Hvað ætli svo staðurinn heiti?
Haakan's Hall ;)

Blóðgjöf

2008-09-29T12:19:00.003-04:00

Þessi póstur um blóðgjöf (á ensku) er nánast samhljóða síðustu reynslu minni. Nema ég gef sko blóð einu sinni á ári ;)

Hvað er annars í gangi með Glitni? Maður kíkir bara í sakleysi sínu á mbl.is núna um hádegisbilið (16 á íslenskum tíma) og þá er víst allt búið að vera vitlaust frá því í nótt.

Hver var fyrsti varaforseti í USA sem var kosinn forseti USA?

2008-09-27T15:46:00.006-04:00

Tími á póst.

Ólafur Ragnar Grímsson kíkti í heimsókn á mánudaginn. Hann stóð sig bara mjög vel kallinn. Meira að segja ég verð að viðurkenna það. Allir "útlendingar" sem ég hef talað við og sáu hann voru mjög hrifnir. Hann kann þetta kallinn. Kíkti svo á kokteilboðið til heiðurs honum á eftir og svo með íslensku krökkunum á indverskan stað(inn).

Tók þátt í spurningakeppni á bar einum hér í nágrenninu (trivia night) svaka skemmtun en ég verð nú að viðurkenna að ég hjálpaði nú ekki mikið til þó ég nátla viti svar og svar. Stundum er erfitt að vera ekki frá Bandaríkjunum og vita allar þessar gagnlausu innanlands staðreyndir. Annars fór ég á þetta með Meha og e-u liði úr spænskudeildinni hérna, mjög hresst lið og að ég held allir strákar á svæðinu að reyna við Meha. Haha. Annars er planið að kíkja aftur með Rachel í næstu viku. Þetta er nefnilega svo rosalega gaman og maður er svo mikill "team player" ;)

Annars er ég loksins að fara að kíkja á fossana hans Ólafs Elíassonar að kvöldi til. Langar að sjá hvort þeir skáni eitthvað lýstir upp :) Meha ætlar með mér og við ætlum að smakka á pomegranate margarítunni sem ég fann á stað þarna niður í South Street Seaport. Alveg sú besta sem ég hef smakkað í langan tíma (fyrir utan kannski á Bubba Gump - ekki spyrja hvað ég var að gera þar.)

Svo þarf ég að klára að þvo þvott og fara yfir heimadæmi þessa helgina. Af skólanum er það að frétta að ég er að verða alveg vitlaus yfir kúrsinum sem ég er TA í. Held ég hafi aldrei haft jafnlitla þolinmæði og það er orðið svo að þegar ég sé email frá nemendum þá kemst ég í vont skap og bara les þau ekki neitt (meðaltal 5 á dag giska ég á.) Ég samdi voðalangt bréf með reglum yfir heimadæmaskil eftir að hafa fengið ofan í kok af yfirgangi og tilætlunarsemi í þessum nemendum. Ég meina hefði e-m ykkar dottið í hug að fara á ráðstefnu og skila heimadæmum 5 dögum of seint og senda þau síðan í tölvupósti eftir að þið komuð heim og ætlast til þess að kennarinn þegi þunnu hljóði.

Helgin

2008-09-21T17:48:00.004-04:00

Er að jafna mig eftir helgina. Tók á móti þónokkrum Íslendingum á fimmtudagskvöldið og kíkti svo aðeins á djammið með þeim eftir það. Sleppti síðan að mæta í partí á föstudagskvöldið en laugardagurinn varð svo meiri en ég ætlaði. Eina planið var að fara í Íslendingagrill í Brooklyn og svo í afmæli hjá Karin meðleigjanda um kvöldið (heima hjá okkur.) Ég mætti í grillið, fékk ss-pylsur með öllu, prins póló og íslenskan fána sleikjó. Albína hafði minnst á Mugison tónleika fyrr um daginn þ.a. ég ákvað bara að skella mér með. Við mættum því á Mugison og voru tónleikarnir alveg frábærir. Þar sem ég á ekki Mugiboogie þá keypti ég eintak á staðnum og fékk það áritað ;)

Eftir tónleikana skildi ég við Albínu og Álfheiði og fór heim til að mæta í afmælið hjá Karin. Þá var nátla svakapartí í gangi - íbúðin full - og þakið og ég rétt náði að smakka allar þrjár afmælisterturnar. Þegar ég var nýbúin að klára kökuna þá sé ég allt í einu Ivor á staðnum. Ég hafði reyndar minnst á partíið við hann en var samt mjög hissa að sjá hann. Kom þá í ljós að hann þekkir Alice sem er nýflutt fyrir neðan og hún hafði sagt honum frá partíinu og þá fattaði hann að þetta var sama og ég sagði honum frá. Hann sem sagt mætti en var á leiðinni í annað partí hjá stjörnufræðidoktorsnema. Það partí var í stjörnuskoðunarrýminu í eðlisfræðibyggingunni hérna á kampus. Þeir eru sem sagt með stjörnukíki á 15. hæð ofan þakinu (með svona hvelfingu ofan á.) Doktorsnemarnir hafa lykla og aðgang og fá víst að halda partí þarna. Algjör snilld og frábært útsýni. Vildi að ég hefði verið með myndavél. Fékk að kíkja á nýlegar vetrarbrautir og var mér bent á ýmis stjörnumerki. Vildi að maður þekkti e-a í stjörnufræðinni betur... En já svo var frábært útsýni niður á midtown, sá meira að segja Empire State og aðeins í toppinn á crysler byggingunni, svo sást George Washington brúin mjög vel og Hudson áin og New Jersey bara hérna rétt við. Fór svo aftur í afmælið hjá Karin og var mikið skemmt sér langt fram á nótt.

Svo er það bara Ólafur Ragnar á morgun. Ætli hann nái að toppa helgina?

Fór á fætur klukkan 9 í morgun!!!

2008-09-16T10:15:00.004-04:00

Fór í 6 ára afmæli á laugardaginn var. 11 stelpur í fimleikabúningum hoppandi og skoppandi. Góð afmæliskaka. Fór svo í gegnum nammiskápinn hennar Siggu til að létta á honum vegna mubluflutninga sem stóðu fyrir. Mér var treyst í þetta ábyrgðafulla starf þar sem mín reynsla af íslensku nammi er löng. Held það hafi verið meira nammi þarna heldur en í meðalsjoppu á Íslandi. Ég náði að næla mér í góðgæti sem ég flutti til stórborgarinnar og er að hugsa um að leyfa Íslendingunum, sem ætla að kíkja í heimsókn til mín á fimmtudagskvöldið, að njóta með mér.

Vel á minnst ef þú ert Íslendingur í NYC og þér var ekki boðið til mín á fimmtudagskvöldið, þá ertu hjartanlega velkomin/n. Bara hafa samband.

Annars er planið að mæta á haustgrill Íslendingafélagsins í Prospect Park á laugardaginn og svo að hlusta á forseta vorn á mánudaginn. Vel á minnst þeir hjá Columbia voru svo góðir að bjóða okkur Íslendingunum sérstaklega að mæta og hlusta á forseta vor. Pæling hvort þeir séu eitthvað hræddir um mætinguna...

Að lokum þar sem ég hitti varla vini eða kunningja

án þess að sama spurningin komi ekki upp þá er komið ágætt svar við henni.

Klauragdalsholl...

2008-09-08T23:31:00.002-04:00

...er staður sem hljómsveitin mín í Rock band fær að spila á (eftir að við unnum okkur inn flugvél og gátum komist frá Bandaríkjunum.)

Go Stat Nerds Go!!!

Rokk og ról

2008-09-04T12:26:00.003-04:00

Er búin að vera í NYC frá því á sunnudagskvöld. Flugið var ágætt en ég get ekki sagt það sama um shuttle-ið sem ég tók af vellinum. En já allt endaði nú samt ágætlega.

Það nýjasta í fréttum er að ég flutti í nýja skrifstofu og sem er miklu rýmri þrátt fyrir að við erum enn 5 í henni. Svo erum við með glugga líka með gott útsýni yfir á Riverside Church. Það munar um það að vita hvort það sé rigning eða sólskin, bjart eða dimmt.

Festi líka kaup á Rock band leiknum á þriðjudaginn. Rachel kom með mér og við drösluðum þessu til baka þessar fjórar götur sem þurfti að labba. Þeir sem ekki vita þá fer talsvert fyrir þessum leik þar sem það er einn gítar og trommusett innifalið í pakkanum (ásamt hljóðnema.) En þetta er ofsalega gaman :) Við Rachel og Mladen stofnuðum síðan band sem heitir Stat Nerds og ætlum við að ná heimsyfirráðum. Enn sem komið er erum við bara fræg í New York, Boston og Chicago en þar sem við unnum okkur inn þessa fínustu rútu þegar við hættum síðast þá held ég að frægðin bíði okkar bara ;) En já fínasti partíleikur, mjög erfitt að hætta.

Næst á dagskrá er svo bara skólinn. Stundataflan mín öll að koma til. Prófessorinn sem ég er að aðstoða er nýr og hinn nemandinn sem aðstoðar er líka ný þ.e. fyrsta árs doktorsnemi. Þ.a. ég fæ að vera reynsluboltinn í námskeiðinu, þ.e. ég er sú eina sem veit hvernig allt virkar hjá Columbia.

Svo voru að koma fréttir um það að 11. september verður fundur hér á kampus með John McCain og Barack Obama. Þetta verða ekki rökræður en samt víst einn af fáum fundum þar sem báðir taka þátt í fram að forsetakosninum. Eingöngu nemendur við skólann geta fengið miða til að mæta á fundinn og það verður víst lotterí sem maður þarf að skrá sig í á morgun. Veit ekki um neinn sem ætlar ekki að skrá sig :)

Svo kemur víst Ólafur Ragnar Grímsson í heimsókn 22. september og talar um Clean Energy and Human Capital: Iceland- The Laboratory
Small States in Global Development . Þannig að ég þarf að skrá mig fyrir þann fund líka. Þarf maður ekki að sjá forsetann sinn þegar hann kíkir í heimsókn í skólann manns.

Áfram Ísland!

2008-08-22T07:53:00.004-04:00

Ef það skyldi ekki vera á hreinu þá er ég á Íslandi, er búin að vera frá því 12. ágúst og flýg aftur til baka 31. ágúst.

Þessi dvöl mín er mest búin að fara í að horfa á Ólympíuleikana á milli þess sem ég fer út um allan bæinn :)

Annars er ég bara í bloggfríi og mun skrifa aftur í september.

Og nú er komin tornado warning í sjónvarpid

2008-08-10T12:38:00.002-04:00

Haglél í ágúst

2008-08-10T10:48:00.001-04:00

Thad var thrumuvedur hérna rétt ádan med stærstu höglum sem ég
hef nokkurn timan séd. Og thad er ágúst í Delaware!!!

Í Colorado

2008-08-04T14:17:00.000-04:00

Hef oft pælt hvað þetta þýðir

2008-07-23T18:00:00.002-04:00

fm-hnakki eða hvað?

Uppfært: Lenti algjörlega óvart inni á þessu áðan. Kannski Kristín Ásta fatti afhverju ég lenti inn á þessari síðu en málið var að ég var að slá inn heimasíðu og ýtti of fljótt á enter áður en firefox kláraði urlið... En já bæði fyndið og sorglegt - er ekki búin að kíkja á sergio...

Enn á lífi

2008-07-11T19:47:00.003-04:00

Víst löngu kominn tími á nýtt blogg. Í stuttu máli þá hef ég síðan síðast:
Unnið alla virka daga. Á kvöldin heng ég með samleigjendum mínum, kíki í sundlaugina og svona. Hef náð að rifja upp Dawson's Creek (er að verða búin með 2. seríu) og fimmtudagar eru videodagar þar sem allir sumarstarfsmenn Merck sem búa á sama stað og ég hittast og við horfum á mynd.
Farið í sumarstarfsmanna Amazing Race um campus UPenn í Philadelphiu þar sem eftir öll hlaupin leið mér eins og ég hefði hellt yfir mig heilum bala af vatni.
Farið í Six Flags, Guðbjört þú getur sagt Árna að ég hafi prófað Kingda Ka.
Farið á ströndina, Ocean City er mjög flott strönd.
Farið nokkrum sinnum til NYC. Komst einmitt að því að þrumuveðrið snemma í júní hafði eyðilagt sjónvarpið mitt og hljómtækin mín... og að það væri músafaraldur í húsinu. Vikuna eftir ættleiddi Karin rosalega sætan kött og ég reddaði nýju notuðu sjónvarpi frá vinnufélaga mínum. Valla hjálpaði mér að sækja það 5. júlí (það var 4. júlí BBQ hérna í hostað af Karin sem var alveg geggjað) og okkur tókst að keyra til Brooklyn frá New Jersey og svo yfir til Manhattan til að ná í þetta risasjónvarp. Við keyrðum yfir Brooklyn Bridge á leiðinni sem var viðeigandi þar sem við gengum einmitt yfir hana núna í vor, á leiðinni sáum við (eða amk ég) fossana hans Ólafs Elíassonar sem okkur langar einmitt að sjá. Held ég vilji sjá þá í myrkri betur þegar þeir eru upplýstir. Við höfðum einmitt farið helgina áður á MOMA til að sjá ljósasýninguna hans. En já með hjálp Karinar drösluðum við sjónvarpinu upp og snillingurinn ég ákvað að stinga því í samband og ath. hvort það væri í lagi. Auðvitað var það rafmagnið sem hafði eyðilagt gömlu tækin og um leið og við kveiktum á tækinu þá byrjaði að koma reykur út úr því. Ef þetta hefði ekki verið svo dramatískt þá held ég hefði grátið en ekki hlegið. En allt varð gott á endanum, Karin festi kaup á þessu rosalega 40 tommu HD sjónvarpi (sem ég er að horfa á hafnabolta í einmitt núna.) og ég festi kaup á PS3 svo við getum horft á Blu-Ray myndir í því. Reyndar á ég eftir að fá tækið sent en það kemur víst á þriðjudaginn svo það er aldrei að vita nema ég skjótist í heimsókn og setji það upp. Það besta er svo að þegar Karin kveikti á tækinu og sýndi mér það þá var bara venjulegt sjónvarpssignal - svo var ég að fikta í því áðan og haldið þið ekki að sjónvarpið hafi loftnet sem getur fundið ókeypis HD stöðvarnar. Þ.a. við erum með allar ókeypis HD stöðvarnar. Ég mun því horfa á Desperate Housewives, Lost og þessa þætti í HD næsta vetur á milli þess sem ég skemmti mér í PS3. Spurning hvort maður eigi að festa kaup á Singstar eða Guitar Heros eða Rockband....

Framundan eru New York ferðir (amk næstu helgi líka). Ráðstefna í Denver, Colorado fyrstu helgina í ágúst og síðan heimkoma rétt fyrir miðnætti 12. ágúst.

og...

2008-06-06T19:20:00.001-04:00

...amish madurinn for ut a vitlausum stad en rett nadi ad stokkva inn
aftur. Btw hann er lika med strahatt

Vá...

2008-06-06T19:05:00.001-04:00

...og í fyrsta sinn núna vard ég vitni ad tví ad lestarvördurinn
notadi neydarhemlana...til ad hleypa farthega út sem gleymdi sér.

Í lestinni

2008-06-06T19:00:00.001-04:00

Vá ég bara vard ad blogga.

Á einni stoppistodinni fóru 4 unglingar út. Öll í svörtu einn med
tvo lokka AFTAN á hálsinum. Med e-s konar fartölvu boombox í gangi.
Öll kveiktu thau í sígarettum thegar thau stigu úr lestinni.
Í stadinn fyrir thau labbadi inn Amish madur. Med skegg, í
vinnufötunum med axlabönd og allt.
Óborganlegt!

New Jersey

2008-05-31T21:41:00.005-04:00

Jæja, sit hérna við tölvuna að downloada forriti sem ég mun líklegast nýta mér í vinnunni. Þetta er alveg 2GB svo þetta tekur sinn tíma. Ákvað þess vegna að ég gæti alveg eins bloggað um síðustu tvær vikurnar á meðan.

Siggi Smári og strákarnir fóru til San Fransisco fyrir tæpum tveim vikum, kvöldið áður hafði ég dregið þá með á kóreskt BBQ þar sem allir prófuð flest.

Vikan eftir það fór í að ganga frá lausum endum og svo skrapp ég til Siggu til að mæta á útskrift hjá Kristínu Eddu úr forskólanum. Voða flott allt saman. Fékk svo bílinn í láni og keyrði fyrst til Völlu þar sem við horfðum á Eurovision, það var mikið fagnað þegar 12 stigin komu í hús.
Ég flutti svo til Watchung í New Jersey á mánudaginn var og bý í mjög fínni íbúð ásamt þremur öðrum stelpum. Þær eru reyndar allar fæddar í kringum 1986 en ég læt það ekki á mig fá. Gaman að ganga í gegnum ungdóminn aftur svona einu sinni. Íbúðin er öllu búin, tvö baðherbergi, þvottavél og þurrkari, uppþvottavél, 3 sjónvörp, internet, miðlæg loftkæling, þannig að ekki getur maður kvartað. Á svæðinu er svo líkamsræktarstöð, körfuboltavöllur og þessi fína sundlaug. Vona að ég nenni að notfæra mér þetta í sumar.

Ég byrjaði sem sagt í vinnunni á þriðjudaginn. Á hverjum morgni erum við sótt kl 8 af minivan þangað sem við eigum heima og er okkur svo skutlað í vinnuna. Kl. 17 er okkur svo skutlað til baka. Þetta er alveg ágætis fyrirkomulag og neyðir mann til að vera ekki að vinna lengur sem er ágætt. Allar aðstæður þarna eru bara alveg ágætar og þetta lítur allt út eins og alvöru háskólakampus. Fullt af grænum svæðum á milli bygginga, risastór kaffitería og gjafabúð ásamt banka og fatahreinsun. Svo er ábyggilega eitthvað meira sem ég hef ekki séð. Á fimmtudag og föstudag var svo verið að selja skartgrip í almenningnum :)
Deildin mín er lítil þannig að allir fara saman í hádegismat og það þarf alltaf að sitja við sama borð. Þegar jarðskjálftinn varð heima þá kom yfirmaður deildarinnar til að athuga hvort það væri ekki örugglega allt í lagi með mig, voða sætt ;)
Í byrjun fengum við bara gestalímmiða sem þurfti að hafa á sér, þangað til þeir gátu gefið okkur auðkenniskort. Þessir límmiðar voru alltaf að detta af, mjög pirrandi. Á miðvikudaginn hafði ég svo skotist á klósettið og ég man að ég tók sérstaklega eftir að ég var með límmiðann þegar ég fór inn á klósettið. Svo stóð ég upp sneri mér við og sá allt í einu að hann var farinn. Og ég gat alls ekki fundið límmiðan alveg sama hvar ég leitaði á mér og í kringum mig. Svo stóð ég eins og illa gerandi hlutur fyrir utan básinn og var að reyna að skoða sjálfa mig í speglunum þegar kona kom út af næsta klósetti. Ég spurði hana þá hvort hún sæi nokkuð límmiðann á mér og þá sagði hún "úps ég var að sturta honum niður." Þá hafði hann fokið undir básinn inn til hennar og það fyrsta sem hún gerði var að henda honum bara. Þennan dag ákvað ég að laumast bara framhjá án þess að skila miðanum (sem maður átti víst að gera, ég var hvort eð er svo sein) þar sem annars hefði ég þurft að afsaka mig með þessari sögu. Held hún hafi ekki verið skárri en "hundurinn át heimaverkefnið mitt" afsökunin.

Heiða Dís og Sóley, frænkur mínar, eru svo mættar á svæðið en Heiða Dís ætlar að sjá um krakkana hennar Siggu í sumar. Þar sem ég var ennþá með bílinn þá sótti ég þær út á flugvöll og keyrði þær til Delaware. Fékk síðan skutl hjá Harold í vinnuna á föstudagsmorgun. Planið er svo að kíkja eitthvað til borgarinnar með stelpunum um næstu helgi.

Annars skrapp ég svo til NYC núna yfir helgina. Tókst að finna út hvernig rútan virkar og það tekur ekkert svo langan tíma að fara á milli. Það er samt alveg stórmunur finn ég að vera með central loftkælingu og uppþvottavél þ.a. aldrei að vita nema maður bara ílengist í New Jersey, eða ekki :)

Gestagangur

2008-05-16T11:59:00.003-04:00

Datt í hug að það væri fínt að setja inn smáfréttir. Ég skrapp til Íslands í rúma viku um daginn og var það mjög hressilegt. Eyddi miklum tíma í að kíkja upp í Kjós og skoða teikningar og plön. Kíkti líka á þrjár dúllur, Hrafntinnu Líf, Sunnevu Lísu og Kára Björn. Ohhhhh, þau eru öll svo miklar dúllur.
Ég fékk svo áfall þegar ég fór mína einu ferð í Krónuna. Alveg hrikalega er orðið dýrt að versla í matinn.

Kom til baka á sunnudaginn og mætti Hákon á svæðið sama kvöld. Hann gisti svo í tvo daga eða þangað til vinir hans tveir voru komnir og eru þeir e-s staðar á flakki í borginni. Á miðvikudaginn mætti svo Siggi Smári frændi og tveir vinir hans. Þeir stoppa hérna hjá mér fram á sunnudagsmorgun á leið sinni til vesturstrandarinnar. Við kíktum á mexíkanskan í gærkvöldi og þar sem tilburðirnir við að drekka margaríturnar voru svo miklir þá gaf þjónninn okkur eina risastóra margarítu aukalega, "on the house".

Annars er ég bara að undirbúa mig þessa dagana fyrir sumarvinnuna. Flestallir pappírar í lagi og nú er bara að vera vel lesin áður en ég mæti á staðinn. Það er vonandi að ég hafi orku í sumar til að skrifa inn fréttir en það verða ábyggilega mikil viðbrigði að fara að vinna heilan vinnudag (og vakna fyrir klukkan sjö á morgnana).

Önnin að verða búin...

2008-04-29T22:58:00.004-04:00

Jæja loksins gef ég mér tíma til að skrifa smá.
Hef gert sitthvað frá því ég skrifaði síðast almennilega. Gengið Brooklyn brúna með Völlu, hitt fullt af nýju/gömlu frændfólki, farið upp í Empire State með Siggu og fjölskyldu. Þess á milli hef ég kíkt á pöbba, í partí og fleira með ágætisfólki. Í dag flutti ég loksins fyrirlestur fyrir eina kúrsinn sem ég er í. Reyndar var ég tilbúin með fyrirlesturinn á fimmtudaginn var. Trúið þið þessu? Næstu tveir dagar eru dáldið fullir hjá mér líka en eftir það tek ég mér tíu daga frí og vona að ég fái að njóta þess með sem flestum. Get varla beðið eftir að komast heim... vona að ég nái að þvo þvottinn minn áður ;-)

ps. haldið þið ekki að í miðjum hamaganginum í gær að klára allt sem klára þarf, hafi mér borist bréf frá leiðinda Indverjanum... á öll þrjú netföngin...

Nú megið þið öfunda mig

2008-04-18T14:36:00.002-04:00

Það er heiðskír himinn, ég sit úti á svölum (suður) í blankalogni með ís í hendi. Skv. símanum mínum er 27 stiga hiti úti og lítill sem enginn raki

Alvara lífsins

2008-04-05T23:36:00.003-04:00

Veit ekki alveg hvað ég á að segja en ég hef ákveðið að breyta hausnum á síðunni minni af virðingu fyrir fyrrum samnemanda mínum úr doktorsnáminu þar sem mér finnst það ekki viðeigandi lengur.
Allir samnemendur mínir eru í hálfgerðu losti og ég skrifa kannski meira um þetta síðar. Þið getið lesið um þetta hér.

Je minn eini

2008-04-01T22:20:00.002-04:00

Það rignir svo svakalega hérna að ég með heyrnartól á eyrunum (þau eru þannig að stundum heyri ég ekki einu sinn bankað á hurðina hjá mér með þau) heyrði vel í rigningunni í gegnum bíómyndina sem ég var að horfa á. Hélt fyrst að eitthvað hefði gerst fyrir utan. Reyndar er þessi svakarigning búin núna en þetta var alveg rosalegt.

"pappírsvinnan"

2008-03-31T15:11:00.002-04:00

Fór í lyfjapróf í dag. Þurfti að pissa í bolla. Maðurinn sem tók við þessu sagði mér að allir sem vildu fá almennilega vinnu í dag yrðu að gera þetta. Hvað maður gerir ekki til þess að fá vinnu...

Lífið í deildinni...

2008-03-30T17:14:00.002-04:00

Enginn sem ég hef talað við kannast við málið...

Professor: So, the probability you're dealing with a straight is determined by what comes out the back end here.

--Statistics lecture, Columbia University

Overheard by: Chuckles

Tekið af Overheard in New York.

Kaupakaupakaupa og sumarið

2008-03-26T15:00:00.004-04:00

Ég fer oft á eBay þessa dagana. Það er allt of spennandi að bjóða í hluti þar. Nú bíð ég spennt eftir því að vita hvort 1 centa tilboð mitt í hulstur utan um ipodinn fari í gegn. Svo bætist nátla tæpir $5 í flutningskostnað en það er ekki neitt.

Kom til baka frá Siggu á sunnudagskvöldið. Ágætisdvöl hjá þeim í Delaware yfir páskahátíðina.
Allir fengu nóg af páskaeggjum og súkkulaði og Rocky fékk meira að segja bein til að naga frá páskakanínunni.
Á föstudaginn var kom einka(hunda)þjálfari heim til þeirra og tók okkur í kennslustund til að læra að aga Rocky. Hann er nú samt alveg vænsti hvolpur en takmarkið er að halda honum vænum. Held að við höfum lært heilmikið og er aðalatriðið að segja dimmraddað "baaaaaaaaah"
í hvert einasta sinn sem hann gerir eitthvað af sér og svo flýta sér að segja eitthvað glaðlegt og skemmtilegt þegar hann hættir óhlýðninni. Reyndar er það eina sem þetta virkar ekki á er þegar hann kemst inn á gestaklósettið þar sem hann nær í klósettrúlluna. Það getur verið ansi skondið að sjá hann taka af stað með pappírinn.

Valla og Geir mættu svo í páskamat á sunnudaginn og léku við mig og krakkana. Völlu til mikillar mæðu og skelfingar þá eignaðist Geir tvo krakka á sunnudaginn. Hahahahahaha.

Góðu fréttirnar af mér eru hins vegar þær að ég hef tekið tilboði um sumarvinnu hjá lyfjafyrirtækinu Merck í sumar (5 stærsta lyfjafyrirtæki í heimi.) Verkefnið er nánast nákvæmlega það sem doktorsverkefnið mitt mun fjalla um. Þetta svona hálfhljóp upp í hendurnar á mér (sakar sko ekki að vera í góðum skóla) og fór ég í viðtal í byrjun febrúar áður en ég sótti formlega um. Mér líst mjög vel á þetta allt saman og þar sem þetta er stórt fyrirtæki þá verða fullt af sumarnemum þarna hjá þeim í sumar þ.a. þetta verður ábyggilega mjög skemmtilegt. Eins og er þá er ég að vesenast í allri pappírsvinnunni sem fylgir þessu það er allt saman bara formsatriði en vonandi verður það búið fljótlega. Þeir eru staddir í Rahway, New Jersey, svona ca 40 mín lestarferð frá Manhattan. Ég myndi líklegast búa í New Brunswick (sem er 15mín frá Princeton og Völlu) ásamt fleirum sumarnemum. Ef allt gengur að óskum með alla pappírana þá myndi ég vinna frá lok maí fram í 2 viku ágústmánaðar.

Smá færsla

2008-03-17T18:08:00.002-04:00

Er í NYC í stuttu stoppi eftir að hafa farið til Siggu yfir helgina. Á meðan hún og Harold fóru í brúðkaup þá fórum við Stefán og Kristín í bíó á Dr. Seuss' Horton hears a who. Myndin var bara alveg ágæt en allt umstangið við að koma fleirum en bara sjálfum sér í bíó var meira en ég hélt. Svo er ég farin að sætta mig við að heyra setningar á borð við "Do your kids like..."

Ég kom síðan hingað aftur í dag og fæ far hjá Harold til baka á morgun til að vera framyfir páska.
Ferðin hingað í dag reyndar mjög kostuleg. Ég missti tvisvar af lestinni og endaði með að fá far með Harold til Philadelphiu til að ná lest svo ég kæmist á fund á hádegi hérna.

Oh, þessir kanar

2008-03-12T23:04:00.004-04:00

Bandaríkjamenn geta verið fyndnir stundum eða þannig sko. Var að horfa á fréttirnar áðan og það er að sjálfsögðu allt í uppnámi yfir vændishneyksli fylkisstjórans Spitzers. Það nýjasta í dag var að búið er að nafngreina vændiskonuna sem á að vera framtíðarsöngstjarna sem býr í fínu hverfi á Manhattan. Ég sá viðtal við svona tvítuga stelpu sem býr þarna í sama húsi og hún sagði næstum orðrétt:
"Ég skil ekki afhverju hún var að sofa svona hjá mönnum, ég meina hún átti heima í fínni íbúð í svona fínu húsi þannig að ekki þurfti hún á peningunum að halda. Ég skil ekki afhverju hún var að þessu."

Halló segi ég nú bara, hvernig heldurðu að hún hafi borgað leiguna.

Var annars að uppgötva snilldarforrit fyrir iPhone-inn minn. Ef fólk googlar "web messenger iPhone" þá poppar það upp. MSN fyrir iPhone. Þetta er ekki venjulegi web messengerinn en þetta virkar. Sem þýðir að þegar mér leiðist í lestum og öðrum stöðum þar sem er ekkert internet þá get ég notað símann og stytt mér stundir og rabbað við fólk á MSN. Jei!

Ég tyndi einum klukkutíma í dag

2008-03-09T22:11:00.000-04:00

Skildi ekkert hvad ég gat sofid lengi í morgun. Annars er myndin til
ad syna flottu gleraugun mín.

Hratt

2008-03-05T13:06:00.001-05:00

Þetta finnst mér nú nokkuð hratt hlaupið. Ætli það það sé ekki ca 10 mínútna skekkja á þessu.
http://web2.toto.is/fritest/afr/keppendur/kep6361.htm

Góðu punktarnir í lífinu...

2008-02-29T21:02:00.003-05:00

Langaði bara að óska vinkonum mínum þeim Emilíu og Kristínu Ástu til hamingju með litlu krílin sín. Emilía átti litla prinsessu þann 18. febrúar síðastliðinn eða á afmælisdag Siggu systur og Kristín Ásta átti lítinn prins núna í dag hlaupársdag, 29. febrúar. Innilega til hamingju báðar tvær.

Svona er þetta stundum ósanngjarnt

2008-02-27T20:27:00.002-05:00

Einn strákur hérna í deildinni, ári á eftir mér í náminu var að mæta í skólann núna á mánudaginn eftir jólafríið. Ástæðan fyrir því að hann var svona seinn er að hann var að bíða eftir vegabréfsáritun. Hann fær nefnilega bara áritun fyrir eitt skipti í einu (ekki óteljandi skipti eins og ég fæ til 5 ára) þ.a. í hvert sinn sem hann fer úr landinu þarf hann að sækja um nýtt visa. Í þetta skiptið tók það 2 mánuði að fá það. Ég læt ykkur svo um að geta frá hvaða landi hann er.

Heitar fréttir

2008-02-20T22:33:00.002-05:00

Fullt af fólki hérna að horfa á tunglmyrkvann sem er btw mjög flottur. Fyrir svona klukkutíma kom ein stelpan nánast hlaupandi með þær fréttir að John McCain hafi haldið framhjá með e-m lobbyista sem hann hefði síðan gert greiða fyrir. Það varð allt brjálað hérna, allir svo miklir demókratar að það var strax farið að hringja í annað fólk og spyrja út í þetta nánar. Svo komu fréttir af því seinna að þetta væri miklu minna bara að hann hafi tekið e-a fylgdarkonu út að borða en stelpan heldur því enn fram að hennar heimildir séu réttar. Aldrei ró og næði.
Gaman að vita hvað er rétt í þessu. Amk var fólk farið að spá hvort Huckabee gæti komið sér aftur inn í keppnina...

Hið ómögulega

2008-02-14T12:04:00.002-05:00

Fyrir þá sem hafa nógan tíma þá er hægt að verða háður þessum leik.

Ómögulega prófið

Núna rétt í þessu var ég að vinna leikinn og við skulum ekki tala um það hversu langt er síðan ég spilaði hann fyrst og hversu langan tíma það hefur tekið í þessari viku að vinna leikinn. Ef ykkur vantar hjálp þá er ég með MSN ;)

Nammi namm

2008-02-10T22:03:00.000-05:00

Guðbjört og Árni voru að fara aftur til Flórída í dag. Þau voru hér til að heimsækja mig (að sjálfsögðu) og til að hitta Þröst bróður Guðbjartar. Var nú bara með þeim á kvöldin þ.a. í minningunni þá át ég bara og drakk með þeim. Góðar stundir. Reyndar allt gourmet matur sem ég fékk með þeim. Fórum m.a. á eitt af 10 bestu steikarhúsum í Bandaríkjunum, Bobby Van's (skv. e-m lista.) Hef aldrei smakkað eins góða steik. Kíktum svo á brunch á Sarabeth í dag. 50 mínútna biðin var alveg þess virði, sítrónu - ricotta pönnukökurnar mínar voru alveg æðislegar og eggjakakan ekki síðri.

Arggggggg!!!! - anda inn - anda út

2008-02-08T09:18:00.000-05:00

Ég er búin að eiga nýju tölvuna í eina og hálfa viku. Líkar bara ágætlega við hana. Sérstaklega Google Desktop sem virkar eins og Spotlight í makkanum, ctrl ctrl og þú getur opnað hvað sem er. En vegna e-a minnisörðuleika með matlab (ekki tölvan heldur meira að ég er með 1GB gögn sem þurfa að komast inn), þá ákvað ég að taka internet explorer út, þ.e. ég uninstalled internet explorer. Eftir það var allt í lagi þangað til í morgun. Í morgun var í fyrsta sinn sem ég endurræsti tölvuna eftir þetta. Og upp kom villa um að e-ð ákveðið skjal fyndist ekki og svo var bara auður skjár (með skjámyndinni minni). Eina sem ég gat gert var að ýta á ctrl-Alt-Del og annað hvort logga mig út, slökkva eða fara í Task manager. Ég fékk næstum áfall á staðnum.
En iPhone-inn sannaði gildi sitt og hjálpaði mér að finna vefsíðu sem tók akkúrat á þessum sama vanda. Virðist vera vel þekkt vandamál þegar fólk "asnast" til að taka ie úr tölvunni. Á innan við 5 mínútum (eftir að ég fann síðuna) þá var ég búin að laga vandann. En vá hvað er að microsoft. Ef að mig langar að taka ie út úr tölvunni minni þá vil ég geta gert það án þess að þurfa að fá hjartaáfall, fara í aðra tölvu og með veseni sem ég er ekki viss um að allir geti framkvæmt, lagað hlutinn.

Spurning: er Google ekki að fara að gefa út stýrikerfi???
Btw. þetta sannfærði mig alveg endanlega um að ég mun aldrei kaupa PC inn á heimilið mitt. Frekar mun ég eyða aukaaurum í makka.

hiti

2008-02-06T17:21:00.001-05:00

16 stig í dag - á samt að fara niður fyrir frostmark á sunnudaginn...
hver spáir kvefi eftir helgina vegna hitabreytinga?

Bolludagur, sprengidagur

2008-02-04T20:29:00.000-05:00

Kíkti í nokkrar matvörubúðir í dag til að ath hvort þeir ættu cream puffs aka rjómabollur. Fann þær ekki (fór nú ekki langt) en fékk mér í staðinn fruit tart aka litla ávaxtaköku.

Horfði á Super Bowl (úrslit ameríska fótboltans) í góðra vina hópi í gær. Aldrei séð jafnspennandi leik. Held að allt hverfið hafi fríkað út þegar við stálum sigrinum á lokamínútunni. Á morgun kl. 11 er víst búið að skipuleggja sigurskrúðgöngu til heiðurs New York Giants og á hún að enda við ráðhúsið. Þetta er víst fyrsta sigurskrúðgangan í tíð Bloomberg borgarstjóra.

Á morgun er svo líka Super Tuesday sem er viðeigandi þar sem það er sprengidagur á Íslandi haha. En já, sem sagt forkosningar í mörgum fylkjum þ.á.m. hér og í New Jersey. Maður fer ekki framhjá því, stuðningsmenn fyrir framan búðir að hvetja fólk til kjósa sinn frambjóðanda. Spennandi kvöld framundan á morgun.

Dugnaðurinn

2008-02-01T15:20:00.000-05:00

Verð að monta mig smá. Þrátt fyrir að ég hafi sprungið í dag þá hef ég mætt fyrir kl. 9 á skrifstofuna alla hina dagana í þessari viku. Hápunkturinn var þegar ég mætti kl. 7:55 í gærmorgun. Við erum sko að tala um manneskju sem hefur ekki getað mætt fyrir klukkan 9 á skrifstofuna frá því vorönn 2006 þegar ég var í tíma sem byrjuðu kl. 9.

Alveg ótrúlegt hvað maður kemur meira úr verki með að mæta svona snemma.

Fór annars út að borða í Korea-town á miðvikudagskvöldið. Vorum að kveðja Madalenu sem ætlar að taka sér ársleyfi úr náminu. Fengum kóreskt BBQ og ef fólk sem kemur í heimsókn hefur áhuga á slíku þá veit ég um góðan stað. Fórum svo nokkur og fengum okkur drykk á bar þarna skammt frá þ.a. ég fór ekki að sofa fyrr en um kl. 2 það kvöldið. Var samt mætt á skrifstofuna fyrir kl. 8 næsta dag.

Karen hélt ég hefði gist e-s staðar annars staðar þar sem ég var ekki heima þegar hún fór að sofa og ekki heima þegar hún fór á fætur, held að það að ég hafi verið farin um morguninn hafi verið meginástæðan...

Bloggstuð

2008-01-30T11:43:00.001-05:00

Fyrst ég er komin í svo mikinn ham þá datt mér í hug að leyfa ykkur að sjá nýju gleraugun mín sem ég er búin að eiga í rúmar tvær vikur núna. Þau eru voða fín en þar sem ég kann ekki að taka flottar sjálfsmyndir þá verðið þið að bíða eftir að sjá mig með þau þar til einhvern tíman seinna.

Hafnfirðingabrandarar

2008-01-29T13:47:00.000-05:00

komu upp yfir borðhaldi á Þorrablótinu.
Af algjörri tilviljun* rakst ég á þetta á imdb í gær og sendi á Völlu. Ákvað að leyfa ykkur hinum að njóta líka. Þetta er dálítið mikil langloka en ef þið lesið bara fyrsta partinn þá er það alveg nóg...

* ég man varla lengur afhverju ég var að skoða prófilinn hans. Held ég hafi verið að skoða Lazytown því ég var forvitin að sjá hvað fólk segir um þættina á spjallborðunum. Eða sko aðallega var ég forvitin að sjá hvað fólk segði um Magnús Scheving því mömmurnar þarna eru næstum jafnslæmar og barnalandsliðið...

Á skrifstofunni

2008-01-29T10:12:00.000-05:00

Fékk nýja tölvu í gær. Vonandi hjálpar það mér við að vera lengur á skrifstofunni að vinna. Sveik aðeins lit og fékk mér Dell en verið óhrædd ég mun aldrei fá mér annað en makka á heimilið.

Annars var Rocky víst orðin eitt kíló um síðustu helgi. Hann borðar víst og borðar sem er gott mál.

Hef síðan alveg gleymt að minnast á fínu jólagjöfina frá Siggu og fjölskyldu. Fékk nefnilega Yamaha hljómborð. Það eru svo margir takkar og fídusar að ég er bara búin að vera að leika mér með það síðan ég kom. Gaman gaman.

Rocky og leiðangurinn

2008-01-28T09:30:00.000-05:00

Núna er spennan ábyggilega í hámarki þó ég vona að þið hafið ekki gert ykkur vonir um djúsí sögu. Vil ekki valda ykkur vonbrigðum ;)
Skólinn byrjaði fyrir viku síðan, svo fékk ég kvefpest dauðans þ.a. ég var heima í tvo daga. Fór svo á Þorrablót Íslendingafélagsins hér í borg á laugardaginn og skemmti mér alveg frábærlega.

En að sögunni. Ég kom hingað út mánudaginn 14. janúar og planið fyrir þá viku var að ég færi til Siggu í tvo daga og kæmi svo til baka á fimmtudegi og hitti Stebba sem ætlaði að gista. Svo ætlaði ég eyða restinni af fríinu í að laga til oþh. Þetta plan breyttist svo þegar ég heyrði í Siggu kvöldið sem ég kom. Þá var það fyrsta sem ég heyrði að hún væri búin að kaupa hvolp og skíra hann Rocky. Rocky er af 'tegundinni' Schnoodle eða blendingur af Schnauser og Poodle kyni. Málið var að hún mátti ná í Rocky á laugardeginum. Það voru góð ráð dýr, ég hef aldrei átt hvolp og vildi nú ekki missa af fyrstu dögum Rocky's. Þar sem að Rocky var staddur í New York fylki, 3,5 tíma akstri frá Siggu þá ákváðum við að ég gæti farið með þeim að ná í Rocky. Ég ætlaði að fá að kíkja í heimsókn til Völlu og Geirs og svo yrði náð í mig í leiðinni. Þannig leit planið út á þriðjudeginum.
Í hádegismat á miðvikudeginum ræddum við Sigga betur saman og þegar hún heyrði að Stebbi væri að fara til Íþöku á föstudeginum þá kastaði hún því fram að hann þyrfti bara að ná í Rocky fyrir þau, þetta væri svo nálægt. Þá kom upp úr kafinu að Rocky var fæddur í klst fjarlægð frá Íþöku, á leiðinni milli Wilmington og Íþöku. Þá kom upp hugmyndin sem loksins varð að veruleika, ég fengi bíl lánaðan og keyrði til NYC, sækti Stebba út á flugvöll, skutlaði svo Stebba til Íþöku á föstudeginum keyrði svo í klukkutíma til Binghamton þar sem Rocky var og keyrði svo með Rocky til baka til Wilmington á föstudagskvöldinu. Þetta varð raunin, ég varð þeirra ánægju njótandi að verða samferða Stebba uppeftir og svo fékk ég sætari ferðafélaga til baka, Rocky.

Við skulum svo taka það fram að ég hef aldrei mikið átt samleið með hundum og þegar ég fékk Rocky fyrst í hendurnar þá var ætlunin að hann væri í kassa á leiðnni til baka. En hann ýlfraði svo mikið í kassanum að ég leyfði honum að sitja í kjöltunni alla leiðina. Hann reyndar svaf mestan tíman en á meðan hann var í kjöltunni þá hegðaði hann sér óaðfinnanlega. Þannig að ég var strax farin að dekra hann. Eftir þessa ferð og eftir að ég mætti til Wilmington með Rocky þá kom okkur Rocky mjög vel saman. Harold djókaði með það að Rocky héldi að ég væri mamma hans... en næst þegar ég kíki í heimsókn verður hann ábyggilega búinn að gleyma mér :(
En nánar að Rocky, hann var svo mikið kríli, hef aldrei séð jafnlítinn hund áður. Við vigtuðum hann daginn eftir að hann kom og mældist hann 800 grömm. Enda var ekkert mál að halda á honum í annarri hendinni og hann komst nánast fyrir í vasa. Stefán og Kristín hafa tekið honum vel, jafnvel of vel stundum. Enda ekki nema von, hverjum finnst ekki tæplega 1 kg hvolpur sætur. Líka alveg kostulegt þegar hann labbar um á sleipa golfdúknum í eldhúsinu eða sefur í fanginu manns fyrir framan sjónvarpið. Honum finnst líka voða gaman að leika og getur verið mjög ærslafullur.

Þetta var sem sagt öll sagan, fjölskyldan í Wilmington orðin stærri. Ég heyrði reyndar systkinin tala saman um daginn þar sem þau voru að ræða um fjölskylduna, ég varð mjög snortin þegar þau ákváðu að ég væri partur af fjölskyldunni (amk þegar ég er í heimsókn) þ.e. ég er ekki gestur á heimilinu, ég á heima þar stundum...

En nóg í bili, þið megið búast við fleiri sögum af Rocky í framtíðinni og kannski myndir þegar hann stækkar en hann á víst að geta orðið um 15 pund, sjö átta kíló.

Rocky

2008-01-21T16:44:00.001-05:00

Tessi sæti litli hvolpur er ástæda leidangursins um daginn öll
sagan kemur sídar

Leyni leiðangur

2008-01-17T23:37:00.001-05:00

Er á leiðinni í leyni leiðangur. Leiðangur þessi mun standa yfir allan daginn á morgun og byrjaði eiginlega í dag.
Nánari fréttir koma fljótlega...

New York, New York

2008-01-15T15:00:00.000-05:00

Jæja er komin út. Þriggja tíma seinkun á vélinni en aldrei eins auðvelt að fara í gegn á JFK.

Fór óvænt á tónleikana (með greini) kammermúsíkklúbbsin í Bústaðakirkju á sunnudaginn. Hafði uppgötvað að ég þyrfti nú eiginlega að hringja í Margréti vinkonu áður en ég færi. Vissi reyndar að hún væri að spila á þessum tónleikum en datt á e-n óskiljanlegan hátt að hún væri heima hjá sér einni og hálfri klukkustund fyrir tónleika. Náði að sjálfsögðu bara í mömmu hennar en hún átti aukaboðsmiða á tónleikana þannig að hún bauð mér bara að fljóta með og hitta þannig Margréti.
Þetta voru alveg æðislegir tónleikar og við eigum greinilega mjög frambærilegt og efnilegt ungt tónlistarfólk.
Þar sem ég var hjá mömmu Margrétar alla tónleikana þá heyrði ég marga koma til hennar og hrósa þeim. Ein sagðist meira að segja ekki hafa farið á jafngóða tónleika lengi. Verð bara að vera sammála henni.
Sá annars fullt af fólki sem ég kannaðist við. Held að flestallir hafi verið annaðhvort háskólaprófessor (og þá í stærðfræði) eða kennari við Menntaskólann...

Ert þú hetja?

2008-01-11T13:38:00.000-05:00

Ég er það og ber merki þess. Hef aldrei séð jafnógeðslegt mar og ég ber nú á handleggnum.

IKEA maðurinn

2008-01-08T13:23:00.000-05:00

Var að lesa frétt á mbl um mann í New York borg sem þurfti að flytja tímabundið úr íbúð sinni og fær að búa í IKEA á meðan. Fannst fyndið að mbl talar um að hann fái að flytja inn í IKEA búðina sem er í New Jersey. Eins og fólk átti sig ekki á að New Jersey er ágætlega stór (svona þannig lagað) og ég veit um amk tvær IKEA búðir þar. Fyndið hvað fólk stundum heldur að New Jersey sé bara stórborg en ekki heilt fylki. Las meira segja á heimasíðunni um þetta að hann muni búa í búðinni sem er lengra í burtu frá Manhattan. Amk er þetta ekki IKEA búðin sem ókeypis rútuferðirnar frá Manhattan fara til.

http://www.mbl.is/mm/folk/frett.html?verold=1;nid=1313671

http://marklivesinikea.com/

Christmasday in Iceland

2007-12-25T09:14:00.000-05:00

Gledileg jól!

Merry Christmas!

2007-12-25T09:08:00.000-05:00

Absolutely beautiful Christmas here in Iceland. It doesn't stop snowing. I'll try and post a picture from outside (through my window) later if I manage to snap it with my iphone.

Alveg ad koma

2007-12-14T20:07:00.001-05:00

Amk hálftíma seinkun - en ég kem samt à morgun
Sjáumst

Kem heim...

2007-12-13T19:03:00.000-05:00

... á laugardagsmorgun ef veður leyfir. Já þið heyrðuð rétt þann fimmtánda desember ;)

Var að kíkja á textavarpið og sá að þeir áætla flugið sem fer héðan í kvöld/nótt komi ekki fyrr en um 3-4 leytið á morgun. Spurning hvort það breyti e-u með mitt flug. Þið megið endilega kommenta eða senda mér email ef þið heyrið eitthvað um flugið mitt á morgun föstudag ;)

Snilld

2007-12-04T22:26:00.000-05:00

Kannski eru þetta gamlar fréttir fyrir einhverja en ég var að skoða google maps og þar er hægt að fara í svokallað streetview og labba um hverfið mitt. Algjör snilld. Þið getið skoðað kampus og labbað sömu leið og ég fer í skólann ;)
Endilega kíkja. Ef linkurinn virkar rétt þá ættuð þið að byrja fyrir utan hjá mér.

Annars er það helsta í fréttum að ég mætti presti á leiðinni heim úr skólanum í dag. Venjulega væri ekkert merkilegt við það nema þessi prestur leit nánast eins út og Brian í þáttunum Dirty Sexy Money. Þetta var samt ekki leikarinn en núna vil ég halda því fram að leikstjórinn eða framleiðandinn hljóti að þekkja þennan prest og hafi þess vegna fundið leikara sem lítur út eins og hann til að vera presturinn í þáttunum.

Ó jólatré, ó jólatré

2007-11-30T23:30:00.001-05:00

Er mín ekki búin ad vera dugleg?

Shrek

2007-11-28T20:08:00.001-05:00

Rakst á hálftíma Shrek mynd í sjónvarpinu. Var víst sérstaklega
gerd fyrir sjónvarp. Algjör snilld!!!

Nítján dagar

2007-11-26T13:18:00.000-05:00

Þakkargjarðarhátíðin liðin. Ég fór til Siggu og co eldsnemma á fimmtudagsmorguninn. Vaknaði kl. 4:30 svo ég myndi örugglega ná lestinni kl. 5:45. Var komin kl. hálfátta til DE þar sem ég fékk morgunmat og eyddi deginum í að borða kalkún og spila foosball. Við Sigga fengum svo þá snilldarhugmynd að kíkja á Black Friday. Sem sagt föstudagurinn eftir þakkargjarðarhátíðina þá opna búðir eldsnemma og þar sem mollið hjá Siggu ætlaði að opna kl. 3 eftir miðnætti þá ákváðum við að mæta. Vöknuðum reyndar ekki fyrr en kl. 4:15 þar sem vekjaraklukkan mín var svo heppilega stillt á það frá því morguninn áður. Vorum mættar í mollið korter í 5 og var troðið þar. Mjög hressilegt og margt á góðu verði. Átum svo kalkún og meiri kalkún á föstudeginum. Um kvöldið fórum við Sigga svo að versla jólaskraut þar sem ég ætla mér að setja upp alvörujólatré og skraut og svona. Núna á ég jólatrésstand og dúk undir tréð og allt skraut. Eina sem vantar er jólatré. Á laugardeginum skutlaði öll fjölskyldan mér til borgarinnar. Við fengum voða góðan mexíkanskan mat og tókum svo subwayinn niður að Rockefeller Plaza þar sem skautasvellið og jólatréð er. Því miður verður ekki kveikt á trénu fyrr en á miðvikudaginn en ég veit að Kristínu var alveg sama - hún var upptekin við að horfa á fólkið á skautum.

Annað í fréttum, kíkti á myndina August Rush með Völlu á miðvikudaginn. (Valla svo góð að skella sér til NYC á mesta annadegi lestanna.) Mæli alveg hiklaust með myndinni. Mjög sæt og falleg mynd. Svo var Valla svo mikill snillingur að hún fékk ókeypis í lestina á leiðinni heim þar sem hún nennti ekki að bíða í röð til að kaupa miða (svona 20 mínútna bið til að kaupa miða en maður getur borgað $5 aukalega og keypt miða um borð. ) Amk finnst mér hún snillingur þótt hún sé ekki sammála því ;)

Núna er ég bara að reyna að komast í jólastuð, fann útvarpsstöð sem spilar eingöngu jólalög fram til jóla, fm 106.7 ef e-r hafa áhuga ;)
Ég er einmitt byrjuð á jóladagatalinu mínu þar sem ég stal hugmyndinni hennar Sirrýar vinkonu úr Réttó en þegar hún bjó í Köben þá notaði hún jóladagatalið til að telja niður þar til hún færi heim. Valla var svo góð að hjálpa mér að framkvæma þetta með því að gefa mér súkkulaðijóladagatal í afmælisgjöf. Ég opnaði glugga númer 19 í dag sem þýðir 19 dagar í mig ;)

Síðan síðast

2007-11-16T13:24:00.000-05:00

Langt síðan síðast. Hef e-n veginn ekki verið í stuði til þess að skrifa hingað inn. Hrekkjavakan komin og farin, afmælið mitt líka.

Fyrst vil ég þakka öllum fyrir kveðjur og hamingjuóskir á afmælisdaginn. Ótrúlegt hversu margir muna eftir manni...

Til að byrja e-s staðar þá fór ég í hrekkjavökupartí helgina fyrir hrekkjavöku. Klæddist sem íðilfögur miðaldardrottning. Fór svo út með Karin og tveimur vinum hennar og var það bara gaman að labba um götuna eins og allir aðrir í furðulegum búningum. Við Karin vorum reyndar svo tímanlega í því að fyrr um daginn fórum við í búningabúð til að finna eitthvað á okkur. Öllum íbúum Upper West Side og fleirum ábyggilega, hafði dottið það sama í hug...

Á hrekkjavökudaginn sjálfan fór ég með nokkrum vinum niður í bæ til að horfa á hina árlegu skrúðgöngu. Hún var ótrúlega flott og ætlaði engan endi að taka. við enduðum á því að hverfa á brott eftir að vera þarna í 3 tíma. Flottastir var hópur uppvakninga sem mynduðu ca. 5 raðir þvert yfir götuna og dönsuðu við Michael Jackson.... E-n tíman mun ég setja inn myndir frá þessu.

Þar sem ég átti haustfrí 5. og 6. nóvember þá ákvað ég að skreppa til Siggu og co. Með stoppi í Princeton fös-lau þá var ég sótt til Philadelphíu af Siggu og krökkunum eftir hádegið á laugardeginum. Átti indæla helgi og þar sem Stefán átti frí á mánudeginum þá skruppum við í bíó á hina áhugaverðu Bee Movie.

Var komin til baka á rúmlega miðnætti, þriðudagskvöld.
Hafði ekkert sérstakt planað á afmælisdaginn nema að sitja yfir próf, þar sem ég var búin að bjóða Völlu, Geir og Albínu í mat á föstudagskvöldið. Eftir að hafa talað við Jane á miðvikudeginum þá ákvað hún að skipuleggja fyrir mig kvöldmat á afmælisdaginn minn. Við enduðum 6 út að borða á ágætis tælenskum veitingastað hér í nágrenninu og fórum svo á bar eftir það. Engu var til sparað og á endanum þegar Jane þurfti að skjótast fyrr heim þá kom í ljós að hún hafði borgað allan reikninginn - sem afmælisgjöf... Ekki vön slíku frá Íslandinu góða...

Upp á síðkastið hefur ekki mikið gerst, var reyndar mjög ánægð þegar ég pantaði nýtt batterí í fartölvuna á ebay og fékk það á um 50 dollara ( í staðinn fyrir 120) með sendingarkostnaði og það kom á innan við tveimur dögum. Þarf sjálfsagt að passa mig á ebay í náinni framtíð. Svo braut ég alveg himinháan múr í gær þegar ég bjó til grjónagraut í fyrsta sinn (ekki úr pakka sko). Ég hélt alltaf að þetta væri svo mikið mál en í raun er þetta það auðveldasta í heimi. Þarf bara að passa að mjólkin brenni ekki við... Þ.a. lummur á morgun held ég nú bara.

En að öllu alvarlegra máli. Ástæðan fyrir því að ég hef ekki bloggað er sú að þarna eftir hrekkjavökuna byrjaði e-r indverskur gaur að senda mér tölvupósta. (Sem betur fer er hann staddur þar en ekki í Bandaríkjunum.) Hann hafði fundið mig og Guðbjörtu á myndasíðunum okkar og haft samband við okkur báðar. Við að sjálfsögðu hunsuðum hann og lokuðum á hann. Það eru engar upplýsingar um mig á myndasíðunni en þar sem notendanafnið er fyrstu tvö nöfnin mín þá hafði hann uppi á þessari síðu með því að googla mig. Þar sem ég er svo mikill auli þá er ég með heimilisfangið, netföng, spjallforritanotendanöfn oþh á síðunni.
Þá byrjuðu tölvupóstsendingarnar fyrir alvöru. Fyrst (áður en hann fann netföngin mín) sagði hann að hann hefði fundið mynd af mér og ég væri draumastúlkan hans og hann vildi vera vinur minn. Fyrr um daginn áður en ég fór til Princeton fékk ég sem sagt fyrsta bréfið á öll þrjú netföngin mín sem ég gaf upp. Ég vil helst ekki skrifa upp bréfið en það var í einu orði sagt mjög krípí og endaði á því að ég átti ekki að segja neinum frá þessu. Í lestinni á leiðinni til Princeton fékk ég annað bréf þar sem hann sagði mér skýrt og skorinort hver uppáhaldsjafnan mín er, en hægt er að finna það á heimasíðu eins af stærðfræðiólympíuleikum sem ég hef tekið þátt í. Jafnframt var hann búinn að reyna að bæta mér inn á msn og fleiri spjallforrit. Daginn eftir fékk ég bréf þar sem hann ítrekaði að hann vildi vera vinur minn og spurði afhverju ég var ekki búin að svara. Stuttu síðar kemur enn eitt bréf þar sem hann sagðist vera búinn að stofna aðgang fyrir mig (jahá!!) á einum af þessum tengslasíðum og ég þyrfti bara að staðfesta með netfanginu mínu að ég vildi það (einmitt já). Eins og með alla póstana þá hunsaði ég þetta allt saman en þetta er ekki skemmtilegt að lenda í, þrátt fyrir að þetta meiði mann ekki líkamlega þá er þetta mjööög óþægilegt. Reyndar skellti ég á e-n á laugardagskvöldinu þar sem að símanúmerið kom ekki fram á símanum mínum og ég hafði asnast til að svara en fattaði svo að ég vissi ekki hver það var. Veit hins vegar að gaurinn hefur ekki númerið mitt þ.a. ég hef kannski skellt á e-a saklausa manneskju, úps. En já það var svo ekki fyrr en á afmælisdaginn minn sem hann sendi aftur póst, enn til að ítreka það að ég ætti að staðfesta þennan aðgang, vel á minnst, lykilorðið átti að vera litlablóm á ensku! Í þeim pósti sagðist hann vera búin að setja inn mynd af mér inn á þennan account. En sem betur fer hef ég ekki heyrt meira frá honum og vona að viðbrögð mín að hunsa hann hafi skilað árangri. Annars finnst mér tilhugsunin um að það sé mynd af mér inni á e-i síðu vera mjög óhugnanlegt. En ég vil ekki fara inn á þetta því þá finnst mér eins og hann hafi "unnið".

En já útaf öllu þessu þá er ég mikið búin að pæla hvort ég eigi að læsa síðunni minni. Ég vil reyndar halda henni opinni þar sem mér er alveg sama þótt fólk sem ég þekki lítið sem ekkert lesi um mig. Ég viðurkenni sjálf að ég skoða slatta af síðum þar sem ég þekki fólkið ekki neitt, en það er það skemmtilega við blogg og netið almennt. Í staðinn ætla ég bara að taka allar upplýsingar um mig út af síðunni minni, nema gmailið. Sem sagt ef þið viljið bæta mér inn á msn eða fá heimilisfang og símanúmer þá er bara að senda mér meil. Svo vil ég ítreka að ég er á facebook og þar eru allar upplýsingar um mig. Ef þið bætið mér við vinalistann þar þá skal ég samþykkja ykkur. Ég er reyndar samþykki ekki neinn nema ég viti hver það er en það gildir ekki um Íslendinga, þ.e. íslenskt nafn er nóg.

Nóg af rausi núna, en ég er amk búin að læra eitt og það er að þegar maður heitir svo sérstöku nafni að mjög fáir einstaklingar koma til greina þá á maður alls ekki að nota nafnið sitt sem notendanafn þó það sé þægilegt og yfirleitt alltaf laust...

Afmæliskakan mín

2007-11-08T21:53:00.000-05:00

Mallorca

2007-10-20T23:14:00.000-04:00

Mig dreymdi e-n fáránlegan draum í nótt sem innhélt Mallorca, hótelherbergi með leikjatölvu og tveimur sjónvarpsskjáum (til að maður gæti séð tölvuleikinn í panorama) og eitthvað meira sem ég man ekki.
Það áhugaverða er að ég hef aldrei komið til Mallorca en svo var ég að kíkja á teljarann hjá mér áðan og sá að ég fékk gest í heimsókn á síðuna í dag sem virðist vera staddur þar. Tilviljun?

Úti að aka

2007-10-17T14:06:00.001-04:00

Í sambandi við færsluna hérna að neðan, þá er ég ekki viss um að þið viljið vita dagsetninguna sem er stimpluð ofan á kassann. Annars var Valla sammála mér að hún skipti engu máli þegar með hefði svona einstakt tækifæri til að fá bláan ópal í síðasta skipti ;)

Annars hef ég verið mjög upptekin síðustu vikuna, svo upptekin að ég hef ekki skráð mig inn á msn lengi! Vikan eftir helgina sem grísagrillið var mjög skrítin. Ég fór ekki fyrr en á mánudagskvöldi heim til NYC eftir að hafa passað Kristínu sem átti frí í skólanum. Við reyndar vorum svo duglegar að við fórum í IKEA og Kristín Edda fór í boltaland á meðan ég skoðaði. Að sjálfsögðu tókst mér að kaupa ýmislegt sniðugt til að fegra umhverfið í íbúðinni hjá mér. Næst er að koma því upp ;)

Harold skutlaði mér uppeftir um kvöldið og var ég komin heim um tíu leytið eftir stutt stopp í West Chester sem er mjög fínt hverfi í NY fylki rétt norður af NYC.

Á fimmtudeginum byrjaði ég svo að fara í vínsmökkun á þýskum vínum hér hjá félagi framhaldsnema hjá Columbia. Þýsk gæðavín þar á ferð en ég þurfti svo að fara fyrr þar sem ég þurfti að ná í lest kl. 21 til Wilmington. Ég gerði nefnilega samning við Harold um að ég kæmi og passaði Stefán á föstudeginum og fengi svo bíl í láni yfir helgina. Það gekk eftir og á föstudeginum var ég fyrirmyndar húsmóðir. Ég bakaði tvær eplasósukökur, bakaði tvo hleifa af ostabrauði, setti tvisvar í uppþvottavélina og endaði með að baka hrekkjavökuköku með krökkunum. Ég meira að segja fór með Kristínu í skólann og sótti hana. Stefán var að sjálfsögðu mjög þægur á meðan.

Um kvöldið keyrði ég svo á fína bílnum hans Harold til stórborgarinnar þar sem ég var á leið í ferðalag með krökkum úr skólanum hjá mér morguninn eftir.
Við fórum í svokallað camp í upstate New York fylki, eða stað þar sem eru skálar til að gista í og svo er hægt að stunda alls konar íþróttir, fara í gönguferðir, ropes kúrs (hópeflisdæmi) allt gert til að þjappa hópum saman. Þetta var mjög skemmtileg ferð - við vorum 6 í bílnum hjá mér og 5 í öðrum bíl. Trudy (GPS) var að sjálfsögðu með í för og auðveldaði lífið mjög. Í stuttu máli þá er minnistæðast, gönguferð í Sams Point, varðeldur, pictionary (prófið að spila með alþjóðlegu fólki), hópefliskúrsinn, draugasíminn. Reyndar var draugasíminn ekkert svo merkilegur. Harold er með handfrjálsan búnað innbyggðan í bílnum sem tengist við símann manns með bluetooth. Pabbi hringdi svo eitt sinn sem við vorum í bílnum og þegar liðið fattaði það þá vildi það endilega prófa aftur eftir að ég talaði við pabba. Þá kom í ljós að þegar maður hringir á sama stað og maður er þá heyrist nátla bergmál og þótt það hinn besti leikur að reyna að hræða fólkið í hinum bílnum með því að fá það til að setjast inn og heyra bergmálið...

Annars komum við til baka á sunnudeginum eftir skemmtilega dvöl, og eftir rúmlega hálftíma stopp lagði ég af stað til að skila bílnum. Stoppaði og borðaði kvöldmat með Völlu og Geir (getið þið trúað því að Geir vildi ekki bláan ópal!). Keyrði síðan sem leið liggur til Wilmington, reyndar með smá detour í skuggalegri pörtum Philadelphiu þar sem Trudy var ekki alveg nógu vel uppfærð. Síðan fór ég bara sem leið liggur til NYC aftur um morguninn. Lenti við hliðina á fyrrum hermanni úr seinni heimsstyrjöldinni. Held hann hafi verið svona um 90 ára gamall og hafði gaman af því að spjalla. Hann var að koma úr heimsókn hjá dóttursyni sínum, 40 ára gömlum og ætlaði dóttir hans að sækja hann á lestarstöðina (móðri 40 ára mannsins...) Vildi endilega að ég myndi e-n tíma heimsækja Notre Dam háskólann því hann hafi verið að koma þaðan og það hafi verið svo frábær kampus að ég yrði að kíkja á hann. Sjálfur býr maðurinn í New Haven þar sem Yale er...

Í þessari viku er nóg að gera, núna er ég að undirbúa mig fyrir kennslu á morgun. Þarf nefnilega að kenna einn tíma fyrir prófessorinn sem ég aðstoða (Tölfræði I kúrs/ Grundvöllur tölfræðinnar). Gleymdi annars símanum heima í dag og mér líður eins og ég hafi gleymt öðrum handleggnum. Ætla samt að reyna að lifa án hans í dag ;)

Ferdafelaginn minn

2007-10-12T21:22:00.000-04:00

Eg ad fara ad keyra til NYC í kvöld. Thetta er thad sem systir mín
gaf mér í nesti. Öfundid thid mig?

Pig roast

2007-10-06T20:17:00.001-04:00

The annual pig roast in delaware

Á leid til Delaware

2007-10-05T16:43:00.000-04:00

Philly séd frá lestinni. Kem after tilbaka á mánudagskvöld.

Eftirrétturinn

2007-09-30T18:59:00.000-04:00

Er mín ekki dugleg? Er loksins búin ad koma símablogginu í lag.